1 Pita 1:2 - U Bulunagana U Niga

² E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

1 Pita 1:2 Iomraidhean Croise

Matiu 24:22

Sanena e Sunahan tema hamakmakumei a pöata teka, ega möa koru ta katuun tega tatei ka haniga romana. Kaba e Sunahan e hamakmakum menai romana a pöata teka tego taguhu meraien u katuun te hopö kap raien.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

U Bulungana u Niga tere Iesu Kristo te kolotein e Mak 13:20

Sanena a Tsunono tema hamakmakumei a pöata teka, ega möa ta töa tega töatöa. Kaba turu katuun lahas te hopö kap raien ba nonei te hamakmakum bera neien a pöata teka.

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Mak 13:27

Balia tena hala neguma a man angelo turu han hoboto i puta ba nori tena gono rarima romana u katuun te hopö kapir e Sunahan.”

U Bulungana u Niga tere Iesu Kristo te kolotein e Luk 18:7

Ga e Sunahan ema taguhu ranoui romana u katuun hamatskö i tanen te singo nitöa uaier i tanen tara lan na bong? Nonei e taguhu boroboro koru ranouen batema antunan hahaloso nei.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

Aposol 2:23

A katuun teka i hala rai limiou, e kukute noahasena a man hakats tere Sunahan te kato mam noahaseien i manasa, ba limiou e kato hamatie men, taraha alimiou u tagala sileiam u katuun u omi gi nila naien tara kuruse.

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 11:2

E Sunahan ema tori tsuga rai u katuun i tanen u Jiu. Nonei e hopö kap raiou lam i mam noa. Alimiou e atei silemiou u raranga turu Buku u Göagono tara pöata te ranga meia e Ilaitsa e Sunahan.

U pas te koloto menai e Pol turu kristenira i Rom 11:28

U Jiu e hereri u pakö tere Sunahan, taraha nori e tori tsuga ba ner u Bulungana u Niga. Na ka teka e taguhu ranou limiou u katuun tema Jiu mi. Kaba e Sunahan e hopö kap noa hasir u tuburen. Nonei e hakats nena a ka teka bate taatagi has rena u Jiu.

U pas te koloto menai e Pol turu kristenira i Rom 16:19

U katuun hoboto e atei siler alimiou e hengoe miou u Bulungana u Niga, na lia e sasaala koru mera goulimiou. Kaba lia e kato silegu alimiou go atei sil hanigeiam a markato a niga bate tutu ba namiou a markato a omi.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 8:13

Na te kukutie moa limiou u ngilngilina i puta ba limiou te mate mou. Kaba te taguhu ranoua limiou u Namnamei, ba limiou te kato hamatiemou a markato a omi turu ngilngilina i puta, ba limiou te töatöa mou.

U pas te koloto menai e Pol turu kristenira i Rom 8:33

E Sunahan e hopökap mam raioura u katuun i tanen. Gesi te kout ranouara i tanen? E möa tala. Taraha, e Sunahan noa has te ngö ranoira u katuun u hamatskö i matanen.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.

Hibru 11:28

Na u nihamana noahas tere Mosis te kato meien u Paska tutuun turu Jiu ba nonei e katoena u raranga tegi ngats hamate merai u sipsip bate tsibil naria u rahatsingina sipsip tara man tamana, ba Angelona tara Tou Mate tema tatei atung hamate ranei a man galapien tson a man hamua turu katunura i Israel.

Hibru 12:24

Alimiou u la uamuma tere Iesu, nonei te kits gono meraira na e Sunahan u rangan haniga u tsimus. Alimiou u la uamuma turu rahatsing i tanen te tatsihasa sil raioura me hala nena a nihitaguhu, te niga bala nena a ka te rangein u rahatsing tere Ebol.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

1 Pita 1:19

E möa. Nonei e sakahis rai limiou u rahatsing tere Kristo, te la sei ba nena a mamana mar hihol hoboto. E Kristo e here ii a tunan sipsip a niga koru te haats ner tema ka menei taka ta omi i tanen.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

2 Pita 1:2

E Sunahan e taatagi koru ranou limiou bate hala ranei limiou a masalohana pan te atei sil mena milimiou e Sunahan, na Tsunono i tarara e Iesu.

2 Jon 1:1

Alia e Jon, a tson a kapan i tamilimiou. Alia e koloto menagi u pas teka i tamölö a tahol te hopö kapiin e Sunahan na galapien has i tamölö. Alia na u katuun hoboto te atei silem u hihatuts u mana, e ngil hamana koru ramou limiou, taraha u raranga u mana e ka nitöana i torirara.

2 Jon 1:13

A galapien tere toulamölö, te hopö kapiin e Sunahan, e hala neruma u rarangan haniga taren i tamölö. Alia e Jon

U pas te kolotein e Jut 1:2

E Sunahan e tatei taatagi nitöa ranou limiou bate hala ranei limiou a masalohana, na markato te ngil menari a taina katuun ega tagala nitöaia tara nikaka i tamilimiou.