1 Korin 8:3 - U Bulunagana U Niga

³ Kaba a katuun te ngil hamanena e Sunahan, e Sunahan e atei sile nouen.

1 Korin 8:3 Iomraidhean Croise

Matiu 7:23

Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”

U Bulungana u Niga tere Iesu Kristo te kolotein e Jon 10:14

“Alia e heregi a katunun pepeito kap a niga turu sipsip te atei sil rena u sipsip i tanen na u sipsip i tanen e atei sil hase ren. Alia e atei sil regu u katuun te hamana uar i tar ba nori te atei sil hase riou lia. Na e markato has uana iesana tere Tamar. Nonei e atei sile noulia na lia e atei sil hase gen. Na lia e mate sil ragou u katuun i tar.

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

U pas te koloto menai e Pol turu kristenira i Rom 11:2

E Sunahan ema tori tsuga rai u katuun i tanen u Jiu. Nonei e hopö kap raiou lam i mam noa. Alimiou e atei silemiou u raranga turu Buku u Göagono tara pöata te ranga meia e Ilaitsa e Sunahan.

1 Korin 13:12

Taraha, i romana ara e tara hakukuhil tuun ria turu galas, kaba i murimuri ara e tara halesala korura romana. Ara e atei sil tunera ats tabubu, kaba ra ena atei haniga moto rou romana temar atei haniga sil mera rira.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Jon 4:19

Ara e ngilera e Sunahan, taraha nonei te ngil mam raioura.

1 Jon 4:7

A matsi hahikapien, aragi ngil korui a tana katuun, taraha u ngilngil hamana e la nama tere Sunahan. Na katuun te ngil hamanena a tana katuun e pala uana tere Sunahan, bate atei silena e Sunahan.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:19

Alia e atei silegu a manka te katoe milimiou, na te ngil mera milimiou u katuun, na te hamana noahas mena milimiou alia. Alia e atei sil hasegu alimiou e taguhu ramiou a palair u katuun batema hapolase mi te kukute mena milimiou alia. Na manka te katoe milimiou i romana e niga bala nena a manka tu kato mameiam limiou.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!