1 Korin 4:8 - U Bulunagana U Niga

⁸ Turu hakats i tamilimiou, alimiou e peimiou, “Alam u ka hakapa mei a manka tere Sunahan. Alam ema ngil lenemi taka.” Alimiou e peimiou alimiou e heremi u king tara nipepeito tere Sunahan bate mam ramou lam. Alia e ngilegu alimiou go king hamanaiam, ba lam te tatei tsunono hoboto gono mera moulimiou.

1 Korin 4:8 Iomraidhean Croise

Matiu 5:1

A pöata te tareia e Iesu u katuun u parpara koru i gonoma, ba nonei e sei uana iasa turu pokus, me gumuna ba u katunun tsitsilo i tanen e larima, ba nonei e tanian hihatutsna i taren.

U Bulungana u Niga tere Iesu Kristo te kolotein e Luk 6:25

A nomi e ka uanou i tamilimiou te masul miou. Alimiou e na bes mou! A nomi e ka uanou i tamilimiou te golgol miou. Alimiou e ton mou bate tabe miou.

Aposol 26:29

Be Pol e poeiena, “Hasesei tsi e möa, alia e matesil koruegu tego here menai lö alia, na u katuun hoboto has te hengoe riou lia i romana, kaba tara tsien puku teka.”

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

1 Korin 1:5

tara mar maroro te habulungana mena milimiou u raranga tere Sunahan, na temar atei sil menari a niatei tere Sunahan na man raranga i tanen.

1 Korin 4:18

A palai i tamilimiou e hipusur bate poeier alia ema antunan na hamatskö ragi limiou.

1 Korin 5:6

A nimasa i tamilimiou ema niga nei. Alimiou e atei silemiou u raranga te poeiena, “A tsitabubun is e hapanena a beret hoboto.”

2 Korin 11:1

Alia e ngilegu alimiou go haka ba buna moulia balia te kato begu a tsitabubun ranga a tsi tutu. Kaba lia e taregu alimiou e hengoe moulia.

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

Galesia 6:3

Kaba limiou goma mar hakats uami teka bate poeiemiou, Alia a katuun pan na lia ema tatei hitaguhu gi. E möa. A katuun temar hakats uana teka e gamoena a peisanen bate here nei a katuun papala.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Revelesin 3:17

Taraha, alimiou e pei miou, ‘Alam u katunun moni. Alam e ka mem a moni e gono batema ngil lenemi ta taina ta ka.’ Kaba alimiou ema atei silemi alimiou e heremi u katuun te möa korur ta ka. Na limiou e here hasemi a katuun te matakiouna na te belosona. Alimiou u haromana koru lasi.

Revelesin 5:10

Na lö u kato has raien u pris tegi taguhi e Sunahan i tarara, na lö u kato has raien u tsunono, ba nori te tsunono roua i puta.”