1 Korin 4:5 - U Bulunagana U Niga

⁵ Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

1 Korin 4:5 Iomraidhean Croise

Matiu 10:26

E Iesu e ranga lel me poeiena, “Alimiou goma matout rami u katuun. Taraha, a manka hoboto te hamouser ena butu noua turu ualesala i murimuri.

Matiu 24:30

“Ba u hiharöto i tar tu butun Katunuma te butuna romana i kolö. Ba mamana katununa i puta te matoutur romana bate taber, ba nori te tarer romana Alia tu butun Katunuma e la meguma romana u köasi i kolö na nitagala na u ualesala u kapan.

Matiu 24:46

A katunun kui teka e tatei sasaalana tara pöata temi sabienen a katuun pan i tanen, tara toukui te kuinen.

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

Matiu 25:23

Ba katuun pan i tanen e poeiena, ‘E niga koruna, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e hataratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö.’

U Bulungana u Niga tere Iesu Kristo te kolotein e Luk 6:37

Be Iesu e rangana me poeiena, “Ma ona rami a palai, ba limiou tema ona has raroui. Ma kato sil rami a palai gi hahuner, ba limiou tema hahuna has raroui. Alimiou ego nolo pouts raiam u katuun ti kato homia i tamilimiou, ba limiou te nolo pouts has rariou.

U Bulungana u Niga tere Iesu Kristo te kolotein e Jon 21:22

Be Iesu e poeiena i tanen, “Te ngile gia lia nonei ega töatöa nitöa e antunana tara pöata te kopis pouts guma romana lia, a ka teka ema ka uanei i tamölö. Kukute mou lia!”

U Bulungana u Niga tere Iesu Kristo te kolotein e Jon 21:23

Ba u raranga e tala uana turu katuun hoboto tere Iesu te pei menaien alia ema antunan mate gi romana. Kaba e Iesu ema pe ii alia e Jon ema mate gi romana. E möa. Nonei e pei lasi, “Te ngile goua lia nonei ega töatöa nitöa e antunana tara pöata tena kopis pouts guma romana lia, a ka teka ema ka uanei i tamölö.”

U Bulungana u Niga tere Iesu Kristo te kolotein e Jon 5:44

Alimiou e mar hamana uamou i me te lu mena mi limiou a nipan te hala nena a taina a katuun, ba limiou tema sake mi a nipan te la nama tere Sunahan a töa puku tega kato hapan raiou limiou.

U pas te koloto menai e Pol turu kristenira i Rom 14:4

Alö a saha mar katuun koru balö te ranga silemou a katunun kui tara tana katuun? A katunun hakui peisa i tanen te tatei poeiena, e kui hanigana tsi e kui homina. Na nonei e kato haniga nou, taraha a Tsunono e antunan taguhe nen.

U pas te koloto menai e Pol turu kristenira i Rom 2:1

Te one mia lö a palair u katuun, ga lö e kato homi hasim. Alimiou e möa tego ranga uaiam. Pöata te pei mia limiou a palair u katuun e omir bate hahatu peisa mia i taren, ga limiou e kato has uamiou iesana.

U pas te koloto menai e Pol turu kristenira i Rom 2:16

A mamanaka teka e butu nou tara pöata temi one noua e Sunahan a man hakats hoboto te mousuna i torir u katuun, temar ranga has uana u Bulungana u Niga te habulungana negulia na e poeiena e Sunahan emi ona sila ranouen tere Iesu Kristo.

U pas te koloto menai e Pol turu kristenira i Rom 2:29

A Jiu hamana nonei a katuun te hengo hanigeiena e Sunahan i torinen. Na mar hatöatongo te ngil koruena e Sunahan ema ka neia turu pikpikö. E möa. Kaba a hatöatongo te ngilena e Sunahan nonei u tori te kato hagogosi u Namnamei u Göagono. A mar katuun teka ema ngil ranei u katuun egi hapaneien. E möa. Nonei e ngil lasena e Sunahan tega hapaneien.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

1 Korin 1:7

Na limiou ema makmakum nami ta töa ta ka ta niga tere Sunahan te hahaloso mena milimiou a pöata te butu lel nama romana a Tsunono i tarara e Iesu Kristo.

1 Korin 11:16

Te hipus nanoua ta töa ta katuun a markato teka, alia e hatei ragou limiou alam na man hun katuun has tere Kristo alam i möa ta taina ta markato tara pöata te lotu mia lam.

1 Korin 11:26

Na tara mamana pöata te noue mia limiou a beret teka na te ua mia limiou tara kap teka, ba limiou tena haröto namiou a tou mate tara Tsunono, e antunana tena la pouts namen romana.

1 Korin 15:23

Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

1 Korin 3:14

Tema kulupenoi u tula aha ti kuieia ioluna a pos simen, e Sunahan e hale noi a katuun te kuieien u hamatana i tanen.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

2 Korin 10:18

Taraha, u katuun te ranga sesei siler a peisaren ema hapan rari. Kaba u katuun te haniga rena a Tsunono nori te hapan raier.

2 Korin 10:9

Alia ema torohanan hamatout meragi limiou a man pas te kolotegu lia. E möa.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

1 Tesalonaika 5:2

Taraha, alimiou u atei hakapa sileiam a Tsunono e songots butu nama romana. A Tsunono e la here namei romana a kopkop tara bong. E möa ta katuun tega atei sil a pöata te butu namen romana.

Hibru 4:13

E möa ta töa ta ka tegi antunan hamous banai e Sunahan, taraha nonei e tarena a mamanaka na mamanaka hoboto e kana ielesala. E Sunahan puku noahas te antunan oneiena a mamana markato i tarara.

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

Jemis 5:7

A matsi hahatoulana, alimiou go hahaloso hanigeiam te la pouts nama romana a Tsunono. A katuun e lebeiena a kui i tanen bate hahalosena a langits na pitala tegi kui hoboto uen. Nonei e hahaloso silena tega pan haniga uu a kannou te ngil korue nen.

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

1 Pita 1:7

A man torohana teka, e torohana tuneri u nihamana i tamilimiou, bate haröto nena a nimana i tanen. A goul has e tatei omina, kaba nori e nas haramune ren turu tula bate sakeier tega goul hamana uaien. Na e kato has uana iesana, u nihamana i tamilimiou e niga bala nena a goul, kaba e Sunahan ega torohaleien ba limiou te hamana hatagala koru lel miou. Ba pöata te butu nama romana e Iesu Kristo, be Sunahan te haniga ranou limiou bate solosei ranou limiou bate hapan ranou limiou.

1 Pita 5:4

Ba tara pöata te butu nama romana a katuun a kapan turu katunun taratarakap, ba limiou te luemiou romana a praisina i Kolö tema tatei taia nei.

2 Pita 3:12

Alimiou go hahaloseiam u Lan tere Sunahan bate kato silemiou tega butu boroboro uamen. Nonei u Lan te ats hakapa noua romana u kolö, ba mankana i kolö te ramun mena romana u hiski pan koru.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.