1 Korin 4:1 - U Bulunagana U Niga

¹ Alimiou go mar tara mera milam teka, alam u katunun kui tere Kristo, ti hapepeito kap rai a man raranga tere Sunahan ti mous i manasa.

1 Korin 4:1 Iomraidhean Croise

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

Matiu 24:45

Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.

U Bulungana u Niga tere Iesu Kristo te kolotein e Mak 4:11

Ba nonei e ranga palis ranen me poeiena, “E Sunahan e haröto ranei limiou a ka tema hatara raien u katuun i manasa. Alimiou e atei silemiou ime temar pepeito kap uanen. Kaba u katuun tema atei sileri ime temar pepeito kap uana e Sunahan, nori e hengo las ria turu rangan haharuei tuun.

U Bulungana u Niga tere Iesu Kristo te kolotein e Luk 1:2

Nori i torohanan hopöön u raranga ti hengo naiara turu katuun ti tahis tutuun gono mei e Iesu Kristo me tareier a manka te katoeien te hahatei nena u hihatuts i tanen.

U Bulungana u Niga tere Iesu Kristo te kolotein e Luk 12:42

Ba Tsunono e ranga palisina, “Esi i tamilimiou te here nei a tson mammam hamana te hakats hanigana? A katuun pan i tanen e hataratara kap naneien romana a palair u katunun kui i tanen. Nonei te tatei hala ranoien a kannou tara pöata hamatskö.

U Bulungana u Niga tere Iesu Kristo te kolotein e Luk 8:10

Be Iesu e ranga palisina, “E Sunahan e haröto ranei limiou a manka ti hamousi tara Nipepeito i tanen. Kaba palai e hengo tuner u haharuei. Taraha? Nori e tarar kaba ema tara mareieri, na nori e hahengor kaba ema ateiri.”

U pas te koloto menai e Pol turu kristenira i Rom 11:25

A matsi hahatoulana, alimiou goma pei mi alimiou e atei korumiou. Alia e ngilegu alimiou go atei sileiam u raranga u mana teka te mous i manasa: e kato uana teka, a nihihipus tara tei Israel ema ka nitöa noi romana. E möa. E antuna noa romana tara pöata te onoto noua u hihase turu katuun tema Jiu ri te pala uaier tere Sunahan.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

1 Korin 4:13

Na pöata te tuts sil rarien lam, alam e ranga hatami tuun mia i taren. Kaba u katuun e kato here noahas rari lam a bita na manka te ba ner.

1 Korin 4:2

Kaba a toukui teka e ngilena a katuun a hihipakoko na katuun te hamana uana tere Sunahan na te kukuteiena u raranga i tanen.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 12:6

Kaba tego ngilin solosei menai lia a peisar, alia ema ranga here goi a katuun a tutu, alia e ranga nagou u mana. Kaba lia ema soloseie goi a peisar, taraha alia ema ngile gi ta katuun ega kukuti u raranga i tar tara manka tu tarema lia na tara manka tu hengoema lia bate soloseie noulia.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

Epesis 1:9

E Sunahan e atei soköna, na nonei e haröto raira a ka te mous i manasa, a ka te ngilin kato meien e Kristo.

Epesis 6:19

Na limiou go singo be hase moulia, ba tara pöata te katsin ranga goua lia be Sunahan te hale noui lia u raranga, ba lia tema matout goui tego habulungana menai lia u Bulungana u Niga te mous i manasa.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

Kolosi 4:3

Na limiou go singo sil has ramoulam be Sunahan te kalatena a maroro tego habulungana menai lam u raranga i tanen bate hatei nem u bulungana tere Kristo, te mous i manasa. Taraha, nonei a ka te karabus sile gulia.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 3:6

A kristen a tsimus ma tatei lue nei a toukui tara katunun pepeito kap turu lotu. Nonei e namots ranga sesei nena a peisanen pouts bate lueiena a nihahuna te lui e Satan.

1 Timoti 3:9

Nori egi pile kap hakarapotein a mouna u nihamana batema katoeri ta ka tega hamatsingolo raien, na nori egi ka mei u hakats u gogoso.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

1 Pita 4:10

Alimiou a man tötöa hoboto u lu hakape muma a nitagala a niga tere Sunahan. Na limiou go tarakap haniga naiam a man nitagala teka bate taguhu ramiou a palair u katuun.