1 Korin 1:8 - U Bulunagana U Niga

⁸ Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 1:8 Iomraidhean Croise

U Bulungana u Niga tere Iesu Kristo te kolotein e Luk 17:24

Pöata te kulupuna u köasi, u kanaha e roron alesala uana tara mamana makum i kolö. Na e markato has uana romana iesana tara pöata te butu pouts guma lia romana, Alia tu butun Katunuma.

U Bulungana u Niga tere Iesu Kristo te kolotein e Luk 17:30

Na e markato has uana romana teka tara pöata te butu pouts guma romana lia, Alia tu butun Katunuma.

U pas te koloto menai e Pol turu kristenira i Rom 14:4

Alö a saha mar katuun koru balö te ranga silemou a katunun kui tara tana katuun? A katunun hakui peisa i tanen te tatei poeiena, e kui hanigana tsi e kui homina. Na nonei e kato haniga nou, taraha a Tsunono e antunan taguhe nen.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 8:19

A mamanaka hoboto te kui e Sunahan e hahanei sil nitöa nena a pöata te haröto nanoua e Sunahan te galapien uara ra i tanen.

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

1 Korin 5:5

Na limiou go hakei mia a katuun teka i limana e Satan tegi kato homi menai a peisanen na markato a omi i tanen, be Sunahan te tatei lu poutsena romana u namnamei i tanen turu Lan Pan tara Tsunono i murimuri.

2 Korin 1:13

Taraha, alam e koloto nem a ka te antunan tare milimiou bate atei sile men. Toum romana i murimuri alimiou na atei sile mou temar ranga sila ua mulam.

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

2 Korin 1:21

Kaba e Sunahan noa lahas te hatagala ra noulam na limiou tegi tuol hatagala beira e Kristo. Nonei te hala railam a toukui teka.

Epesis 5:27

Nonei e kato mei a ka teka tego lu mera meien a hun katuun i peisanen bate taratara haniga nitöana. A hun katuun tere Kristo alimiou goma ka memi ta ka tega omia i matana e Kristo. Na nonei e ngilena a hun katuun i tanen egi hagöagoni a peisa ren bate ka haniga nitöar.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

Kolosi 1:22

Kaba i romana nonei e nolo pouts sila rena limiou tara tou mate tere Iesu Kristo, ba limiou te matskö miou bate gogoso miou, bate moana ta ka ta omi tegi kout merai limiou.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 5:2

Taraha, alimiou u atei hakapa sileiam a Tsunono e songots butu nama romana. A Tsunono e la here namei romana a kopkop tara bong. E möa ta katuun tega atei sil a pöata te butu namen romana.

2 Tesalonaika 2:2

Te hengoe moua limiou u ranga turu katuun te poeier u Lan Pan teka tara Tsunono e butu hakapa, ba limiou tema tatei hamana ramoien. Alimiou goma tokumi na e goma asingoto hasmi te poe menarien u mar bulungana teka u raranga i tamulam tsi u raranga turu propet, tsi te pei has mena rien alam u koloto naien turu pas. E möa.

2 Tesalonaika 3:3

Kaba a Tsunono a katuun a hihipakoko. Nonei e kato hatagale nou a torimilimiou bate hatongo kap ranoua limiou tere Satan.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 1:18

Na lö e atei haniga sil hasem temar taguhu menaien lia i Epesis. A Tsunono e tatei hanige nen tegona sabe menaien a nitaatagi tara Tsunono turu Lan Pan te la nama.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.