1 Korin 1:1 - U Bulunagana U Niga

^1-2 Alia e Pol, e Sunahan e ngil sile ii lia tegomi kui mei lia a toukui tere Iesu Kristo. Alam mere Sostenis e toularara e koloto menami u pas teka turu katuun tere Sunahan i Korin te kato hagöagono sila raia tere Iesu Kristo. E Sunahan e ngö sil rai limiou tego katuun uaiam limiou i tanen timar ngö has merai u katuun te hamana ria tere Iesu Kristo tara mamana makum, te hatsunoner e Iesu Kristo, a Tsunono i tarara na i taren has.

1 Korin 1:1 Iomraidhean Croise

U Bulungana u Niga tere Iesu Kristo te kolotein e Luk 6:13

Ba tara bongbong ba nonei e ngörena u katunun tsitsilo i tanen me hopö kap rena a maloto na huol a katuun me ngö raneien u aposol.

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 20:21

Be Iesu e ranga lelna i tamulam me poeiena, “A masalohana e tatei ka gono mera noulimiou. E Tamar e tula mena mei lia i puta na lia te tula has ragou limiou.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 18:17

Ba nori hoboto e pile kap ner a tsunono tara luman lotu turu Jiu, a solonen e Sostenis, ba nori e singsingate rien i rehina makumun kout. Kaba e Galio ema tara sile ii a ka teka.

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 1:10

Alia e singo silegu tere Sunahan tego sabe menaien ta maroro i tar, balia te la uagou i tamilimiou.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

1 Korin 15:9

Alia e ka puta koru gia turu aposol hoboton töa. Ema antunanei tegi ngö menai lia a aposol, taraha alia u kato homir u katuun tere Sunahan.

1 Korin 3:9

Alam u katunun kui hoboto tere Sunahan. Alimiou a kui i tanen na luma has i tanen.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 11:5

Alia e peiegu u aposol gamogamo teka ema pan bala nari lia.

2 Korin 12:12

A pöata tu kaia lia i gusumilimiou, e Sunahan e harötein alia a aposol i tanen, te kato menaien u mamana u mar mirakol.

2 Korin 8:5

Ba nori e katoeier a ka te saluhe bani tu mar ngil uu lam, taraha nori i hala mamin a peisaren tara Tsunono ba turu ngil tere Sunahan, nori e hala has naier a peisaren i tamulam.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Kolosi 1:1

Alia e Pol, a aposol tere Iesu Kristo. E Sunahan e lu meilia u ngil peisa i tanen tego aposol uu lia. Na lam mere Timoti e toularara e koloto menami u pas teka i tamilimiou u katuun tere Sunahan te ka mia tara taun i Kolosi.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.