1 Jon 3:2 - U Bulunagana U Niga

² A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

1 Jon 3:2 Iomraidhean Croise

Matiu 5:8

Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.

U Bulungana u Niga tere Iesu Kristo te kolotein e Luk 17:30

Na e markato has uana romana teka tara pöata te butu pouts guma romana lia, Alia tu butun Katunuma.

U Bulungana u Niga tere Iesu Kristo te kolotein e Luk 20:36

Na nori ema mate lel has roui romana. Taraha? Nori e here roui u angelo tema tatei materi. Nori a galapien tere Sunahan te hatakei raria romana tara tou mate.

U Bulungana u Niga tere Iesu Kristo te kolotein e Jon 1:12

Kaba turu katuun ti lu menaien i taren na ti hamana korueien, nonei e hala raien a nitsunono tegi pien uaien tere Sunahan.

U Bulungana u Niga tere Iesu Kristo te kolotein e Jon 11:52

Kaba e Iesu ema mate sil peisa ranoui u Jiu, nonei e mate sil hase nou tego gono meraien a galapien tere Sunahan te ka kalakala ria tara mamana han ba nori te katoe riou a töa hun katuun.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

U pas te koloto menai e Pol turu kristenira i Rom 8:16

Nonei noahas u Namnamei tere Sunahan te hateiena u namnamei i tarara bara te galapien uara tere Sunahan.

U pas te koloto menai e Pol turu kristenira i Rom 8:18

Alia e poeiegu u nikamits te söate rara i romana e tetenei bala nena a manka a man niga na man kapan tena haröto ranoira e Sunahan.

U pas te koloto menai e Pol turu kristenira i Rom 8:19

A mamanaka hoboto te kui e Sunahan e hahanei sil nitöa nena a pöata te haröto nanoua e Sunahan te galapien uara ra i tanen.

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

1 Korin 13:12

Taraha, i romana ara e tara hakukuhil tuun ria turu galas, kaba i murimuri ara e tara halesala korura romana. Ara e atei sil tunera ats tabubu, kaba ra ena atei haniga moto rou romana temar atei haniga sil mera rira.

1 Korin 15:49

Ti mar posa has meraira, ara e herei e Adam, a katununa turu tsiktsiki, na ara e here haserei romana e Kristo, a katununa i Kolö.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

2 Korin 4:17

Na matsi tabubun nomi te kana i tamulam e kato taatago ranei lam a nitöatöa a nigan töa te ka nitöana romana, a nitöatöa te pan bala nanou a mamanaka.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Pilipai 3:21

Nonei e hapalisena romana u tuenrei i tarara bate kato here naneien u tuenrei i tanen te niga nitöana. Nonei e katoenou a ka teka tara nitagala noahas temar tsunono pan mena neien a mamanaka.

Kolosi 3:4

E Kristo a mouna a nitöatöa i tamilimiou, na pöata te butu pouts nen romana, alimiou e ka gono has memouen turu hiharöto pan i tanen.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.

1 Jon 2:7

A man hahikapien, alia ema koloto nagi tu raranga tu tsimus i tamilimiou. E möa. Alia e koloto negu u rarangana i manasa tu hengo naiam limiou tara pöata tu hengo mam namia limiou e Iesu. U rarangana i manasa teka nonei u raranga tu hengo hakapa naiam limiou.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.

1 Jon 3:21

A man hahikapien, tema kout raneira a torirara, ba ra tema matoutun tuol roi i matana e Sunahan bate luera a ka te singo sile rara. Taraha, ara e hengo hanigeiera u raranga i tanen bate katoera a manka te kato hasasaale nen.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

Revelesin 2:28

Ba lia te hala hase goien a pitopito te ngöeri a tounlan.

Revelesin 22:4

Nori e tare riou a matanen, na solonen e ka noua i poleren.