1 Jon 2:7 - U Bulunagana U Niga

⁷ A man hahikapien, alia ema koloto nagi tu raranga tu tsimus i tamilimiou. E möa. Alia e koloto negu u rarangana i manasa tu hengo naiam limiou tara pöata tu hengo mam namia limiou e Iesu. U rarangana i manasa teka nonei u raranga tu hengo hakapa naiam limiou.

1 Jon 2:7 Iomraidhean Croise

Matiu 5:43

Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alö go ngilir a man hahikapien i tamölö balö te pakö rem u katuun te paköe riou lö.’

U Bulungana u Niga tere Iesu Kristo te kolotein e Jon 13:34

Alia e hala ragi limiou u raranga u tsimus, alimiou go hiangilngil iam. Ti mar ngil has merai lia limiou.

Aposol 17:19

Ba nori e luer e Pol mena piou narien turu töa u hagum te kaia tara makumun hagum ti ngöei u Ariopagas. Ba nori e poeier, “Alam e ngilin atei silem u hihatuts u tsimus te la memuma lö.

Hibru 6:9

Alam e mar ranga uaiem teka, kaba lam e hamanem a markato i tamilimiou e niga bala nena a markato a omi teka, taraha e Sunahan e lu pouts raiou limiou.

1 Jon 2:24

Alimiou go pile hakarapoto naiam u raranga tu hengo mam naiam limiou. Na te ka noana u raranga tu hengo mam naiam limiou i torimilimiou, ba limiou te ka gono nitöa memou a Pien Tson tere Sunahan, na e Sunahan e Tamarara.

1 Jon 3:11

Nonei u raranga teka tu hengo mam naiam limiou: aragi ngili a tabina katuun.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

1 Jon 3:21

A man hahikapien, tema kout raneira a torirara, ba ra tema matoutun tuol roi i matana e Sunahan bate luera a ka te singo sile rara. Taraha, ara e hengo hanigeiera u raranga i tanen bate katoera a manka te kato hasasaale nen.

1 Jon 3:23

Na u raranga tere Sunahan teka: aragi hamanaia tere Iesu Kristo a Pien Tson i tanen ba ra te hiangilngilira, nonei teka u raranga tere Sunahan.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

1 Jon 4:11

A matsi hahikapien, temar ngil koru meraira e Sunahan, nonei tegi mar ngil koru has menaira a tana katuun.

1 Jon 4:21

Na u raranga ti lueiara i tanen e kato uana teka: esi a katuun te ngilena e Sunahan ega ngil hasi a man hahatoulana i tanen.

1 Jon 4:7

A matsi hahikapien, aragi ngil korui a tana katuun, taraha u ngilngil hamana e la nama tere Sunahan. Na katuun te ngil hamanena a tana katuun e pala uana tere Sunahan, bate atei silena e Sunahan.