1 Jon 2:1 - U Bulunagana U Niga

¹ A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.

1 Jon 2:1 Iomraidhean Croise

U Bulungana u Niga tere Iesu Kristo te kolotein e Luk 10:22

Be Iesu e rangana turu katuun, “E Tamar e hale ii lia a mamanaka hoboto. Na e möa ta töa ta katuun tega atei sil a Pien Tson. E Tamar pepeisa lasi. Na e möa has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hopö kap naien te tatei hatei butu narouen.”

U Bulungana u Niga tere Iesu Kristo te kolotein e Jon 13:33

A matsi galapien, alia e ka gono mera goulimiou tara tsitabubun pöata patu, ba lia te töan laba ragou limiou. Alimiou e sakie moulia, kaba lia u mar ranga uu tara pal kapan turu Jiu teka, temar ranga has uagu lia i tamilimiou, ‘Te la uagu lia alimiou ema antunan la mumei.’

U Bulungana u Niga tere Iesu Kristo te kolotein e Jon 14:16

Ba lia tena rangate gou e Tamar ba nonei te hala ranei limiou a tana Hihitaguhu, u Namnamei tara nimana tegomi ka gono nitöa meraiou limiou.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 21:5

Ba nonei e poeiena i tamulam, “A galapien, alimiou e sooho hase muma ta iena?” Ba lam e poeiem, “E möa.”

U Bulungana u Niga tere Iesu Kristo te kolotein e Jon 5:14

Ba i murinen be Iesu ena sabiena a katuun teka iahana a Luman Lotu Pan me poeiena i tanen, “Tara, alö e niga pouts talam. Alö goma katokato lelei ta markato ta omi bate möa nou ta ka ta omi koru tega butuia i tamölö.”

U Bulungana u Niga tere Iesu Kristo te kolotein e Jon 5:36

“Kaba a ka te pan bala nena e Jon e hatei has nanou lia. E Tamar e hanigein tego kui menai lia a man mirakol. Na man mirakol has te katoe gulia e haröto nena e Tamar has te tula na moulia.

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Jon 8:11

Ba tahol e poeiena, “A tsi Tsunono, e möa ta töa.” Be Iesu e poeiena i tanen, “Na lia has ema ka megi ta ka tegi hahune silei lö. La tala, ba lö tema kato homi lelmi.”

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

U pas te koloto menai e Pol turu kristenira i Rom 5:10

Ara e hereri u katuun ti paköi e Sunahan, kaba pöata te mateia a Pien Tson i tanen, ba nonei e kato poutsena a masalohana i tarara gono mei e Sunahan. Na nitöatöa tere Iesu te taguhu ranoura, na te ka haniga sila has riara.

U pas te koloto menai e Pol turu kristenira i Rom 6:15

U mana koru. Ara ema ka hamanasa talareia tara Lo, ara e ka talaria tara nihitaguhu tere Sunahan, ge hana, e nigana tegi kato meira a markato a omi? E möa koru lasi tegi tatei markato uu ra teka.

U pas te koloto menai e Pol turu kristenira i Rom 8:34

Esi te tatei ranga nanou tegi lu menai ra u nihahuna? E möa tala! Taraha, e Iesu Kristo noa has te mate sil raioura. Ba nonei e takei pouts na tara tou mate i tanen, ba nonei ena kana tara pal matou tere Sunahan me singo hataatagi bera noura tere Sunahan.

1 Korin 15:34

La pouts muma turu hakhakats u haniga bate hanöa ba namiou a man markato a man omi taraha a palai ema atei sil noeri e Sunahan. Alia e ranga sila gia tara nimatsingolo i tamilimiou.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

1 Timoti 2:5

Taraha e Sunahan a töa puku, na e Iesu Kristo puku lahas te tuol na i gusura u katuun na e Sunahan.

1 Timoti 3:14

Alia ena la guma romana, kaba lia e koloto megi a man raranga teka i tamilimiou tena mots hamokomoko ua guma lia, ba limiou te atei sile mou ime tego markato uaiam limiou turu katuun hoboto tere Sunahan. Taraha nori a luma tere Sunahan te töatöa nitöana, na nonei a mouna u nihamana.

Hibru 9:24

Taraha, e Kristo ema tasu ii tara luman lotu ti kui u katuun bate haharuei tuun nena a luman lotu hamana. E möa. Nonei e tasuia i Kolö, ba nonei e kana i matana e Sunahan me ranga bera noura.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 3:9

A mia rara e ranga hanigana na e ranga homi hasina. Ara e ranga haniga nera e Tamarara a Tsunono, na ra e ranga homi has nera a katuun, e Sunahan te kato here naia a katuun a peisanen.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.

1 Jon 4:4

A man hahikapien i tar, alimiou a galapien tere Sunahan na limiou e tagala bala ramiou u propet u gamogamo teka. Taraha, u Namnamei te kana i tamilimiou e pan bala nena u liliahanei te karia turu katunura i puta tema katuun uari tere Sunahan.

1 Jon 5:17

A mamana markato a omi hoboto e omina. Kaba palaina markato a omi ema tatei luba nanei a katuun a nitöatöa tere Sunahan.

1 Jon 5:21

A matsi galapien i tar, alimiou ego ka halehana ba naiam a man got gamogamo. Alia e Jon

3 Jon 1:4

Pöata te hengo nagia lia a galapien i tar e kukute hanigeier u raranga u mana, ba lia te sasaala korugu. U bulungana teka e pan saluhe ba nitöa nena a manka hoboto te tatei kato hasasaale noulia.