1 Jon 1:9 - U Bulunagana U Niga

⁹ Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.

1 Jon 1:9 Iomraidhean Croise

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Mak 1:5

Ba u katuun hobotora tara provins i Judia na u katuun hoboto tara taun i Jerusalem ena hengo ria tere Jon. Ba nori e pokeier a man markato a man omi i taren be Jon e baptais ranen tara ramun i Jodan.

U Bulungana u Niga tere Iesu Kristo te kolotein e Luk 22:57

Be Pita e holisina me poeiena, “Alia ema atei sile gien!”

U Bulungana u Niga tere Iesu Kristo te kolotein e Jon 17:25

“O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

Aposol 19:18

U katuun u parpara koru ti hamana i lama memi pokeier a mamana a markato a omi ti katoeien i manasa.

U pas te koloto menai e Pol turu kristenira i Rom 3:26

Kaba i romana nonei e haröto nena te matskö uanen na te kato hamatskö has mena neien a katuun te hamana uana tere Iesu.

1 Korin 1:9

E Sunahan e hamanena a ka te katoe nouen ba nonei te pakoko ranou limiou, u katuun te kagono mer a pien Tson i tanen e Iesu Kristo a Tsunono i tarara.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

Hibru 11:11

Turu nihamana noahas tere Sara tere Sunahan, be Sunahan e hale neien a nitagala tega pika uaien, noahasina te toböana koru uaien. Kaba e Sara e hamana noahasi e Sunahan ega kato beien a ka te ranga mam noa naien.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.