1 Jon 1:7 - U Bulunagana U Niga

⁷ Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 1:7 Iomraidhean Croise

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 12:35

Be Iesu e poeiena i taren, “Ualesala e gamon ka halehana gono mera noulimiou. Tataala iam te ka noa uana ualesala. U kuhil ena mots la karasa ba ranou limiou. Te tataala mia lö turu kuhil, alö ma atei sile mi te sila mia lö.

U Bulungana u Niga tere Iesu Kristo te kolotein e Jon 5:4

Taraha, tara man töa man pöata a angelo tara Tsunono e roron kouluma batemi hula kilatanaiena u ramun tara kiou. Ba esi te tsiruku mamia tara ramun i murina te kilateien a angelo nonei has te niga pouts.

U pas te koloto menai e Pol turu kristenira i Rom 13:12

A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 5:8

Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

1 Timoti 6:16

Nonei a töa tema antunan mate noi na nonei e kana turu ualesala pan tema antunan la hasukusuku uari u katuun. Emoa ta katuun tega antunan tareien i manasa na ema antunan tara noahas nari i romana. Aragi soloseien, nonei te tagala saluhe nitöana. U mana.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Jemis 1:17

A mamana markato a niga na matskö e tuhana nama iasa. E Sunahan te hala rena men, na nonei te katoe u mamana u alesalana i Kolö. Nonei ema antunan palis nei na ema antunan kukutenei u oho i tanen.

1 Pita 1:19

E möa. Nonei e sakahis rai limiou u rahatsing tere Kristo, te la sei ba nena a mamana mar hihol hoboto. E Kristo e here ii a tunan sipsip a niga koru te haats ner tema ka menei taka ta omi i tanen.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 1:5

Nonei u raranga teka tu hengo naia lam tere Iesu ba lam e hatei namen i tamilimiou: e Sunahan nonei u ualesala na e möa koru ta tsi tabubun kuhil tega kaia i tanen.

1 Jon 5:6

Nonei a katuun teka e Iesu Kristo, ti baptaise ii u ramun. Na u rahatsing i tanen e oloia tara tou mate i tanen. U ramun na u rahatsing i tanen has e hatei hamana nena nonei e Iesu a Pien Tson tere Sunahan. Nu Namnamei tere Sunahan has e hatei hamana nanen, taraha u Namnamei tere Sunahan e manana bate ranga hamanana.

1 Jon 5:8

u Namnamei, na u ramun, na u rahatsing i tanen. A topisa ka teka i haniga hoboto.

2 Jon 1:4

Alia e sasaala koru megu te sabe mena gilia, te kukute menari a palair a galapien i tamölö u raranga u mana te hatei raira e Tamarara e Sunahan.

3 Jon 1:4

Pöata te hengo nagia lia a galapien i tar e kukute hanigeier u raranga u mana, ba lia te sasaala korugu. U bulungana teka e pan saluhe ba nitöa nena a manka hoboto te tatei kato hasasaale noulia.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 7:14

Ba lia e poeiegu i tanen, “A tsi tsunono, alö te ateim.” Ba nonei e poeiena i tar, “Nori u katuun ti lama tara pöata tara kamits pan. Nori i galus hahiake mei u hasobö i taren u rahatsing tara Tunan Sipsip.