Matewsà 22:24 - Hixkaryána Novo Testamento

²⁴ Khananàhnye y, ketxkon hatà, àwya. Onà wyaro nmenhoy hatà, Moyses heno, kàyweronàhyamanye ro heno komo. Towàt heno wayhàtxhe, àhokhura rma àwayhàtxhe, àhetxenhàr hak yahosno, ewtànhàrà rma. Noro ryhe, thetx me nahohsaha, àhohtanàr horà. Towàt heno wenatàhwo hohtehe, noro ha, towàt heno hokru me. Àro wyaro rma nmenhoy hatà, Moyses heno, ketxkon hatà, Saknusew komo.

Matewsà 22:24 Iomraidhean Croise

Matewsà 22:16

Àro ke tànhananàhrà komo nyahtxownà hatà, Txesusu hyaka. Eroknes kukur komo xarha nyahtxownà hatà. Onà wyaro nketxkonà rma haryhe tà, ànyahxemo komo, Txesusu wya. Khananàhnye y, yaworo rma haxa manaha, amna wya, ketxkonà rma haryhe tà. Yaworo xaxa hananàhno meryaha, amna wya. Àme yohà rma haxa manaha, toto kom hoko. Owya àhananàhnàtokonye, oseryehpàra ro mak manaha, toto kom hona, ketxkonà rma haryhe tà. Àhyahampàra ro mak manaha, toto kom hona. Yaworo xaxa Khoryenkomo muhutwamohsehe, amna wya, ketxkon hatà.

Matewsà 22:25

Àro ke enytxako. Tànyonye wos yexetxhàrànhàrà amna nekarymehe, owya, ketxkon hatà. 7 me nehxatxkonà, toto heno komo, ewtà rye komo rma. Amna kukur me rma nehxatxkonà, nyamoro heno, ketxkon hatà. Wahoto heno wos yahosàye. Bo, wayehye, noro heno. Àhokhura rma wayehye, ketxkon hatà. Àhonanotho heno ryhe, towàt heno hetxenho yahosàye.

Matewsà 22:36

Khananàhnye y, thenyehra nay hamà, Moyses heno nmenhotho, kàyweronàhyamatxho komo, kekon hatà. Thenyehra mak nay hamà. Àsok katxho ryhe, anar komo yoho nyhe naye, owya, kekon hatà.

Matewsà 7:21

Amna yohà omoro kany me natxhe, toto komo, rowya, kekon xarha tà, Txesusu. Àro wyaro kany kukur kom marma, royàm yoyukyatxhe, omerorohra mak ha. Nyamoro marma, noro yowto hona tetxhe, kahe yawono yoyuknyenhàr me tesnàr kom ke, kekon hatà. Anar kom haxa ryhe, amna yohà omoro kany kukur komo rma, àtohra natxhe hampànà, noro yowto hona, eyukhura tesnàr kom ke, kekon hatà, Txesusu.

Mahhusa 12:19

Onà wyaro nmenhoy hatà, Moyses heno, kàyweronàhyamanye ro heno komo. Towàt heno wayhàtxhe, àhokhura rma àwayhàtxhe, àhetxenhàrà hak yahosno, ewtànhàrà rma. Noro ryhe, thetx me nahohsaha, àhohtanàr horà. Towàt heno wenatàhwo hohtehe, noro ha, towàt heno hokru me. Àro wyaro rma nmenhoy hatà, Moyses heno, ketxkon hatà, Saknusew komo, Txesusu wya.

Rukasà 20:28

Khananàhnye y, ketxkon hatà, àwya. Onà wyaro nmenhoy hatà, Moyses heno, kàyweronàhyamanye ro heno komo. Towàt heno wayhàtxhe, àhokhura rma àwayhàtxhe, àhetxenhàrà hak yahosno, ewtànhàrà rma. Noro ryhe, thetx me nahohsaha, àhohtanàr horà. Towàt heno wenatàhwo hohtehe, noro ha, towàt heno hokru me. Àro wyaro rma nmenhoy hatà, Moyses heno, ketxkon hatà, Saknusew komo.

Rukasà 20:33

Àsoke natxowà àro ke, owya, ketxkon hatà, Txesusu wya. Kwayhàtxhenye tasanàmyatxhe harha màkehe hawe, omoro. Onok hetx me ryhe naye wosà, tasanàmàtxhenye, ketxkon hatà. Onok hetx me ryhe naye, amnye ha. Tano rma hak tehtoko, 7 komo hetx me nehxakon hamà, ketxkon hatà, Saknusew komo, Txesusu wya.

Rukasà 6:46

Amna yohà y, Amna yohà y, màketxhe rma haryhe, rowya. Àsok tawro hana. Royukhura ro mak manatxhe ha, kekon hatà.