Matewsà 2:22 - Hixkaryána Novo Testamento

²² Tàtonàr me rma, Ehsayewyana komo kayaryetà yokaytà yonytxay hatà. Àkayaryet komo me harha nay hatà, Ahkerawu, Eroknes heno murunho, tàyàm peno hryetayo me, tawro yonytxay hatà. Xukneya yamtar ho nay hatà tawro yonytxay hatà. Àro ke noseryehye hatà, Xose, Xukneya yamtar hona tàtonàr hona. Tosenyetnàr me rma rha Kohkomo rwonà yonytxay xarha tà. Àro ke, Karyeryeya yamtar hona haxa toy hatà.

Matewsà 2:22 Iomraidhean Croise

Matewsà 1:20

Àro wyaro tehutwantoko rma, nosenyetày hatà. Osenyetnàr me, nosonyhoy hatà, kahe yawono, Kohkom yanoto, àwya. Xose y, kekon hatà, àwya. Dafe heno yohamàtho y, uro enytxako. Maryeya ahosko rma, ohetx me, kekon hatà, kahe yawono. Atxke nehxak hamà kahra exko. Khoryenkom yokato yahoxet yano me ryhe natahohsako, àhokru, kekon hatà.

Matewsà 2:1

Beryen ho nenuruy hatà, Txesusu, Xukneya yamtar ho rma hatà. Xuknewyana komo kayaryet me nehxakon hakahpa tà, Eroknes heno. Xerusaryen hono rma mok nehxakon heno hatà, Xukneya yamtar hono rma hatà. Txesusu yonurutxhe rma, Xerusaryen hona nomohtxownà hatà, horykomo komo. Xeryko hutwanye ro mokyam nehxatxkon hatà. Kamàmà yahatakatxho nyero nomohtxownà hatà, Xerusaryen hona, moxe rma haxa mak hatà.

Matewsà 2:19

Taa. Wayehye hatà, Eroknes heno. Noro heno wayhàtxhe rma, nosenyetày xarha tà, Xose. Exet yamtar ho rma hak nehxakon hatà. Nosenyetày hatà. Osenyetnàr me nosonyhoy hatà, kahe yawono, Kohkom yanoto, àwya. Onà wyaro nkekon hatà, àwya.

Matewsà 2:21

Àro ke nasanàmye hatà, Xose. Txesusu mryenà yarày hatà. Àyon xarha yarày hatà. Ehsayew yamtar hona toy hatà.

Matewsà 3:13

Taa. Nomokye hatà, Txesusu. Karyeryeya yamtar hoye nomokye hatà. Xoknaw yohokoso nomokye hatà, Xowawu hyaka. Ataymomposo nomokye hatà, àwya. Uro aymomko, kekon hatà, àwya.

Rukasà 2:39

Kohkomo wya tàyweronàhyamatxho kom yawo ro tehtxekatxhenye, totxownà harha tà, Maryeya komo. Karyeryeya yamtar hona harha totxownà hatà, Nasarye hona harha, towto kom hona harha.

Xowawu 7:52

Àna matà, àsok tawro noro ymo kurunhonàr xe manaye, ketxkon hatà, nyamoro, àwya. Noro wyaro rma rha Karyeryeya honotho me manaye. Norohnàtho kom kukuru me manaye, omoro xarha, ketxkon hatà. Khoryenkom karyehtanà xenyko. Àro rma, onà wyaro kahra nay hamà. Karyeryeya hon kukuru komo ryhe, Khoryenkomo rwonà yokarymany me naha hampànà, kahra ro mak naha ha, ketxkon hatà, Farysew komo, Nekoknemusu wya.