Matewsà 15:9 - Hixkaryána Novo Testamento

⁹ Àtohnawo rma rowakryetxhe haryhe. Khoryenkomo rwonà amna nekarymehe, owyanye, ketxhe rma haryhe, toto komo wya. Toto rwon haxa ryhe yokarymetxhe, nyamoro ha. Àro wyaro nmenhoy hatà, Esaeyas heno. Ohokonye ryhe nmenhoy hamà, kekon hatà, Txesusu, Farysew komo wya.

Matewsà 15:9 Iomraidhean Croise

Matewsà 15:10

Toto komo yanyekye hatà, Txesusu, tàhyaka. Uro enytxatxoko, kekon hatà, àwyanye. Thutwaxem me hak nahko, rorwonà.

Mahhusa 7:7

Àtohnawo rma rowakryetxhe haryhe. Khoryenkomo rwonà amna nekarymehe, owyanye, ketxhe rma haryhe, toto komo wya. Toto rwon haxa ryhe yokarymetxhe, nyamoro ha. Àro wyaro rma nmenhoy hatà, Esaeyas heno. Ohokonye ryhe nmenhoy hamà, kekon hatà, Txesusu, Farysew komo wya.

1 Koryentu 15:2

Àro hoye ro rma, Khoryenkomo nenyhoryenàr me manatxhe, àro yawo ro rma haxa oyehtokony mak ha. Àro yawo rohra oyehtokony haxa, àtohnawo mahohtxownà hamà.

1 Txemohtyo 1:4

Yaworonohnà hokohra harha ehtxok hampànà, kasko. Ohoryen heno komo yosotà yotaknyàr hokohra xarha ehtxok hampànà, kasko, àwyanye. Àro hoko rma tehtokony haxa, àtohnawo ro mak nosonytxetxhe ha. Khoryenkomo mryenon komo hananàhtoho mehra ro mak naha, ànekarymanàr komo. Kryestu hona xenye ro me txeryheranye ro mak naha.

Txetu 1:14

yaworonohnà yonytxahra harha esnàr kom horà, Xuknewyana komo nekarymanàrà rma yonytxahra harha esnàr kom horà, yaworon xaxa xanomkahnohnye komo yoyukhura harha esnàr kom horà.

Ekmàryewyana komo 13:9

Anar me rha ahananàhyatxow hamà, anar komo. Yaworohra ahananàhyatxow hamà. Woto yonotho hoko ahananàhyatxow hamà. Oyonkuhtohrany hak nahtxoko. Tàyweronàhyamatxhàyam yawo ro tesnàr komo xe natxow hamà, nyamoro ha. Àro hoye ro osonyhoryehra mak natxhe. Woto yonotho hoye rohra ohxe tehxatxhe, kàhnawonye, woto yonohra kehtxoho kom hoye rohra xarha. Khoryenkomo wya kowakryetxho kom hoye ro haxa ryhe ohxe tehxatxhe, kàhnawonye.

Txaku 2:20

Kryestu hona xenye ro me xaxa kehtokonye ryhe, toto komo yowakryeny me xarha tehxatxow hamà. Toto komo yowakryehra haxa kehtokonye ryhe, Kryestu hona xenye ro mehra tehxatxow hamà. Noro hona wenyaha, tketxhe rma haryhe, àtohnaw mak ha. Àro wyaro uhutwahra kat manatxowà. Uhutwanyehnà ro komo yxak mak omnyam hamà. Àro ke, onà ryhe wekarymehe, owyanye uhutwatxho me.

Xowawu Nenyetxho 22:18

Onà wyaro àkehe hampànà, owyanye, rokaryehtan yony komo wya, Khoryenkomo rwonà rma yony komo wya, noro nhutwamohsotho rma yony komo wya. Ohxe mpàn ehtxoko, àkehe, owyanye. Ohxe mpàn ehtxoko, ronmenhotho hoko. Anàhnohrà hona mpàn xenytxoko. Owyanye àrwonàhyamantoko rma, àro marma àrwonàhyamatxoko. Eho nyhe àrwonàhyamahra mak ehtxoko. Oyehutwatxho komo rwonàhyamahra mak ehtxoko. Khoryenkomo nhutwamohsotho marma àrwonàhyamatxoko, owyanye anàhnohrà hona. Owyanye anàhnohnàtok haxa, ayanàhnohyatxhe hampànà, Khoryenkomo. Toto komo yanàhnohtoho ke, on yawo ronekarymatxho rma ke, ayanàhnohyatxhe hampànà. Àro ke, Khoryenkomo nhutwamohsotho marma àrwonàhyamatxoko, ronmenhotho marma.