Matewsà 14:26 - Hixkaryána Novo Testamento

²⁶ Tuna ymo ratokoko omoknàrà rma yonytxownà hatà, ànhananàhrà ro komo. Noskatokatxownà mak hatà. Mokro ymo ha okatonho, ketxkon hatà. Kowontetxkon hatà, oseryehrà komo.

Matewsà 14:26 Iomraidhean Croise

Rukasà 24:23

Ekehàthàr yonyhera mak nahtxok hatà. Ehxera harha nahko hatà, ketxkon hatà. Àro ke ekarymaxe nomohtxow harha, amna hyaka. Kahe yawon komo ryhe amna nenyo, katxow xarha, amna wya. Tonyxerye harha naha, Txesusu, katxow hatà, kahe yawon komo, àwyanye, ketxkon hatà, Kàryeyopas komo.

Rukasà 24:37

Noskatokatxownà mak hatà, nyamoro ha, thenyehra rma haxa mak hatà. Mokro ymo ha okatonho, ketxkon hatà.

Rukasà 24:45

Àro wyaro tàwya katxhe rma, àmenhosahonhàrà hutwamohsoy hatà, àwyanye, enkukmahrany harha ehtxoho me. Khoryenkom karyehtanà rma hutwamohsoy hatà, àwyanye.

Rukasà 24:5

Noseryehyatxkon hatà, woràskomo komo. Àro ke newanatxownà hatà. Osompothàra rma nehxatxkon hatà. Onà wyaro nketxkon hatà, asakon komo, àwyanye. Àsok tawro momohtxowà, xaro, ketxkon hatà. Àsok tawro momohtxowà, xaro. Onamno ytxoho yawohra nay hamà, àwayehpànà, karyheno, ketxkon hatà. Onehonàr komo rma, tan ehxera naha.

Txesusu Nànyaketxho ro komo 12:15

Àna ryhe mpe, ketxkon mak hatà, àwya. Enyxemnà hxak omoro hamà, ketxkon hatà. Noro me manaye, kekon mak hatà, Hokne. Àna matà, norohnà mokà, totohnà rma, ukurunhony haxa hamà, kahe yawon haxa hamà, ketxkon hatà.

Xowawu Nenyetxho 1:17

Àro wyaro rowya noro yonyetxhe rma, kehurkaye, akrataka. Rowayehrà wyaro rma kehurkaye, roseryehrà. Rahosày mak ha, noro, tamor ke, howehenohnà ke. Onà wyaro nkekonà, rowya. Oseryehpàra exko, kekonà. Oseryehpàra exko. Tehxemà ro uro. Amnyehra ehxahonhàrà ro rma uro. Amnye tehxemà ro rma uro, kekonà.