Matewsà 13:49 - Hixkaryána Novo Testamento

⁴⁹ Àro wyaro rma rha natxhe hampànà, toto komo. Wahanonkano ytxoho ro ho haxa, nomokyatxhe hampànà, kahe yawon komo, Khoryenkom yanoto komo. Nyamoro rma, Khoryenkomo nenyhoryetxho komo wahanonketxhe hampànà, Khoryenkom yowto hon me ehtxoho menye. Atxke ehxemotho komo xarha wahanonketxhe hampànà, kekon hatà.

Matewsà 13:49 Iomraidhean Croise

Matewsà 13:39

Tànatkemà xanhànà ymo ryhe, worokyamo yohà ymo kuknon me naha. Anhà ymo rma kuknon me naha. Ehetatàhkatxhe rma katxho ryhe, wahanonkano ytxoho ro ho haxa katxho kuknon me naha, kekon hatà. Àhotnye komo ryhe, kahe yawon komo kuknon me natxhe. Khoryenkom yanoto komo rma kuknon me natxhe, kekon hatà, Txesusu.

Matewsà 13:40

Anhàtho yohamnohtxownà hatà, àhotnye komo, tàwyanye aknyohtoho me. Àro wyaro rma rha, anhàtho komo yohamnohyatxhe hampànà, kahe yawon komo. Wahanonkano ytxoho ro ho haxa, tanoto komo rma nyakyaha hampànà, Toto me Enusaho, kekon hatà. Khoryenkomo mryenon kom waye anhà yaryatxhe hampànà, nyamoro ha. Omeroro rma naryatxhe hampànà. Atxke ehxemotho komo xarha yaryatxhe hampànà, kekon hatà, Txesusu.

Matewsà 13:48

Thenyehra kana heno yehtoko, txaruka hpexekyatxow hamà, mahona. Teryewtatxhenye rma, kana wahanonketxow hamà, kekon hatà. Enyhoru komo yonkahyatxow hamà, en yaka. Anhàtho kom haxa yarymetxow hamà.

Matewsà 24:31

Kahe yawon komo nyakyaha xarha. Tanoto komo rma nyakyaha. Nyamoro yomoknàtoko rma, tonytxaxem me mpànà naha ha, waxuru ymo, kekon hatà. Khoryenkomo nwahanonkatxhàyamo yohamnohyatxhe hampànà, nyamoro. Ananye rha nehamnohyatxhe hampànà, yukryeka màtà ymo hoye, kahe màtà ymo hoye, kekon hatà, Txesusu.