Mahhusa 15:19 - Hixkaryána Novo Testamento

¹⁹ Noro yhutho yotahatxownà xarha tà, omam ke. Noro horye netahtatxownà xarha tà. Tosoknar kom ho neryewtatxownà xarha tà, noro yakrataka, tkayaryet komo yakrataka teryewtatho komo wyaro rma hatà.

Mahhusa 15:19 Iomraidhean Croise

Matewsà 27:30

Noro horye netahtatxownà xarha tà. Omamu yahohtxownà harha tà. Àro rma ke noro yhutho yotahatxownà hatà.

Mahhusa 10:34

Nyamoro rma newnohyatxhe hampànà, kekon hatà. Noro horye netahtetxhe xarha hampànà. Nàhpokyatxhe xarha hampànà. Yahkotohen hona namoyathetxhe xarha hampànà, kekon hatà. Twayhàtxhe, nasanàmyaha mak hampànà, noro ha. Osorwawo ro enmahàtxhe, nasanàmyaha harha hampànà, kekon hatà, Txesusu, 12 komo wya.

Mahhusa 14:65

Txesus horye netahtatxownà hatà, ukukur komo. Nempatanyohomtotxownà hatà. Netahatxownà hatà, tamor kom ke. Empatanyohomtosaho wya rma, onà wyaro nketxkon hatà, tàwyanye ewnohrà me hatà. Onok oyotahano, etaxko mpa, ketxkon hatà, àwya. Anoto komo xarha netahetxkon hatà, tamor kom ke hatà.

Mahhusa 15:18

Ha y, Xuknewyana komo kayaryetà y, ketxkonà rma haryhe tà, àwya, ewnohrà me rma rha hatà.

Mahhusa 15:20

Àro wyaro tàwyanye ewnohtàkatxhe rma, tàswayemàtho wakatxownà harha tà. Honomtotxownà harha tà, àhononàthàr ke harha. Amoyathoso natxownà hatà.

Mahhusa 9:12

Yaworo nketxhe, kekon hatà, Txesusu, àwyanye. Eryeyas heno wyarono htxero tomohsom me nehxakonà. Onyhoryetxehkano yxe tomohsom me nehxakonà, kekon hatà. Onà wyaro haxa àkehe, owyanye. Omohsah me rma naha, noro ha, kekon hatà. Noro heno mak yeryewhamnohtxownà, àxanhàn komo, tano me ronye rma. Àro wyaro teryewhamnohsom me rma haxa nehxakonà, àmenhosahonhàrà yawo ro rma haxa tehtxoho me, kekon hatà, Txesusu. Toto me Enusah xarha, àmenhosahonhàrà yawo ro rma rha naha hampànà, onà wyaro katxhàrànhàrà yawo ro mak ha, teryewhamnohsom me rma haxa naha hampànà katxhàrànhàrà yawo ro, tàxanomkahnohsom me rma haxa naha hampànà katxhàrànhàrà yawo ro rma, kekon hatà, Txesusu, Petru komo wya.

Rukasà 22:63

Txesusu yownohyatxkon hatà, ahosnyenhàyamo. Netahetxkon hatà.

Rukasà 23:11

Norohnàtho wyaro rma haxa Txesusu yeryatxkon hatà, Eroknes komo, tanoto kom yakoro xarha, arymano ynye ro kom yakoro rma. Newnohyatxkon hatà. Honomtotxownà hatà, enyhoru ke, ehonomnà komo honon ke, tàwyanye ewnohrà me rma hatà. Thononke rma narhoy harha tà, Eroknesà, Peratusu hyaka.

Rukasà 23:36

Arymano ynye ro komo xarha newnohyatxkon hatà. Àhyaka haxa totxownà hatà. Àwokru me ufa xkunu yàmtxownà haryhe tà, àwya. Tutxunyemà rma yàmtxownà haryhe tà, àwya.

Homa 11:4

Onà wyaro haxa neyukye hatà, Khoryenkomo. Àna matà, rowakryeny me rma natxhe, ukukuru komo, kekon hatà. 7 mew komo rma, rowakryeny me rma natxhe. Ronkurunhothàyamo rma nyamoro ha, kekon hatà. Baw yowakryehra ro mak natxhe ha, nyamoro ha, rowakryeny komo rma. Anaryana komo horyenà ro kuknonà rma yowakryehra ro mak natxhe ha, kekon hatà, Khoryenkomo, Eryeyas heno wya.

Feryepos 2:10

omeroron komo wya noro yowakryenàr horà. Txesusu hyaka rma neryewtetxhe hampànà, tosoknar kom ho, kahe yawon komo, yukryeka hon komo xarha, yuhnayen hon komo xarha, omeroron komo rma.

Ekmàryewyana komo 13:13

Àro ke, noro wyaro rma rha tehtxe, kàwyamo. Owto hyaye mox tehtoko, tàxanomkahnohsom me nehxakon hamà. Noro wyaro rma rha, tàxanomkahnohsom me tehtxe, noro mryenon me kesnàr kom ke.