Korosos 3:8 - Hixkaryána Novo Testamento

⁸ Àro hokohra harha ehtxoko. Ewakàhkahpàn me harha ehtxoko. Toto hoko àrwomra harha ehtxoko. Toto wàràhyakahra harha ehtxoko. Atxke àrwomra harha ehtxoko.

Korosos 3:8 Iomraidhean Croise

Matewsà 5:22

Onà wyaro haxa àkehe, owyanye. Toto yotahahra manatxow hana. Ewakhàra marma manatxow hana, toto hoko. Noro hoko ewakhàra oyehtokonye, tanàhnohsom me rma rha manatxhe hampànà, kekon hatà. Anatoko, atxke manaha, tàywenyeke manaha, màketxow hana, toto wya. Àro wyaro owyanye tatoko rma, tasom me manatxhe hampànà, owto yoh komo hyaka, àwyanye ayanàhnohrà kom horà, kekon hatà. Anatoko, akàhpànà ymo xak omoro màketxow hana, toto wya. Àro wyaro owyanye tatoko rma, eryewhamnohno ytxoho ro na tàtosom me manatxhe hampànà, kekon hatà, Txesusu.

Mahhusa 7:22

Anatoko nehohketxow hamà. Anatoko toto xehra rma haxa natxow hamà. Anatoko toto yonkuhtonàr xe natxow hamà, kekon hatà. Anatoko tweromra tesnàr komo xe natxow hamà. Anatoko toto hoko tatakuynyàr komo xe natxow hamà, kekon hatà. Anatoko toto wàràhyakanàr xe natxow hamà. Anatoko ehonomnà me rma haxa nosonyatxow hamà. Anatoko akàhpàra rma haxa nehutwetxow hamà, kekon hatà, Txesusu.

1 Koryentu 3:3

ohun kom yano me rma hak oyehutwanàr kom ke. Àsok tawro hana. Matakuyatxow hatà. Mosoyatxow hatà. Àro wyaro oyehtokonye, ohun kom yano me rma mehutwetxow hamà. Kryestu mryenonàhnà komo wyaro rma manatxow hamà. Khoryenkom yokato yoh mehra mak mehutwetxow hamà.

2 Koryentu 12:20

Àsok tawro hana. Ohxe oyesnàr komo xe wehxan hamà. Anar me mak konyatxow hana, romoknàtoko. Oseryehokahnà me ronyàr xe manatxow hamà. Anar me mak uro menyatxow hana. Toseryehokaxem me uro menyatxow hana. Àro wyaro anar me kosonytxoho kom hona rma koseryehyaha. Àsok tawro hana. Oyosoytxoho komo wenyan hana. Ayatakuytxoho komo wenyan hana. Othoko ewakhàra oyehtxoho komo wenyan hana. Ayano me ronye rma oyeryehotatho komo wenyan hana. Oyotwàràhyakatxho komo wenyan hana. Othoko atxke orwonàmtoho komo wenyan hana. Owyanye, ehonomnà ryhe uro, moxam yohono, tawro wenytxen hana. Àsok make oyohsamnohtoho komo wenyan hana.

Karaseya 5:15

Àsok haxa hana manatxow ha. Mosoyatxow haxa hana. Motwàràhyaketxow haxa hana. Ohxe mpàn ehtxoko. Àro wyaro rma oyehtokonye, amnye mosomtatkatxehketxhe hampànà, omnyamo ro ryetho.

Karaseya 5:20

Toto horyenà ro komo kuknon hoko tehxatxhe. Eryemkano teryatxhe. Toto xehra ro mak tehxatxhe. Tosoyatxhe. Tatakuyatxhe. Ewakhàra tehxatxhe. Kano me ronye rma teryehotetxhe. Tatameryeketxhe. Yaworo thananàhsom uro, anar me thananàhsom xak omoro, tketxhe, kàwyamo ro rye rma.

Karaseya 5:26

Ehonomnà uro kahra ro mak tehtxe. Oyoho rma haxa ehonomnà me wehxan hamà, kahra ro mak tehtxe, kowtà wya. Ehonomnà mosonà katxho me kowtà yehtoko, noro hoko ehohkahra ro mak tehtxe. Àro wyaro rma tehtxe, kàwyamo ro rye rma.

Ehfesu 4:22

Amnyehra ohnawonye atxke rma haxa mehxatxkonà. Àro hoye ro ayanhàn kom hoko rma haxa mehxatxkonà. Àro hoko oyehohkantokonye rma, mosonkuhtetxkon hamà. Àsok tawro hana. Matanàhnohyatxkon hamà. Àro wyarohra harha ehtxoko.

Ehfesu 4:25

Anar me harha oyehtxoho kom hoye ro, onà wyaro ehtxoko. Àtemarontahra harha ehtxoko. Osonkuhtohra ro mak ehtxoko, omnyamo ro rye rma. Ohoyen kom yakoro orwonàmnàtokonye, yaworo rma orwonàmtxoko. Àsok tawro hana, noro rye me kesnàr kom ke hamà.

Ehfesu 4:26

Anatoko ewakhàra manatxow hana, toto hoko, atxke esnàr ke. Ewakhàra roro rma oyehtokonye, atxke manatxow hamà. Àro ke, àro rma ho towahke harha ehtxoko, àkokmampàra rma.

Ehfesu 4:29

Atxke àrwomra ro mak ehtxoko. Ohxe haxa orwonàmtxoko. Tonytxahorye roro hak nahko, orwon komo, oyonytxany komo yakoronomatxho me, Khoryenkomo rwon yawo ro nyhe ehtxoho menye, kowakryeny kom me nay hamà Khoryenkomo, kany me nyhe ehtxoho menye.

Korosos 3:5

Karyhe harha manatxhe. Kahe yawon me harha manatxhe. Àro ke, yukryeka ho oyehtxoho kom hoye rohra harha ehtxoko. Ayanhàn kom hokohra harha ehtxoko. Àwayehsaho wyaro harha osonyhotxoko, àhokohra harha oyesnàr kom ke. Àsok hana natxow ha, toto kom ha. Yukryeka hon me tehtxoho kom hoye ro, onà wyaro atxke natxow hamà. Anaro rha wos hoko natxhe. Wos me tehtokonye, anaro rha kàrà hoko natxhe. Anaro rha tanhàn kom hoko natxhe xarha. Àro hoko rma nehohketxhe xarha. Katxhonano hoko rma haxa nehohketxhe xarha. Khoryenkom hokohra rma, katxhonano hok haxa natxhe.

Korosos 3:9

Àtemarontahra ro mak ehtxoko, omnyamo ro rye rma. Àsok tawro hana. Atxke oyexetxhàyamotho hokohra harha manatxow hamà. Amnyehra ohnawonye atxke rma haxa mehxatxkonà.

1 Txemohtyo 1:13

Amnyehra rma haxa haka, noro àwàràhyakekonà htxer hakahpa. Weryewhamnohyakon xarha, rowya àmryenon komo yeryewhamnohrà ke. Noro hoko, atxke rma haxa kàrwonakon xarha. Noro haxa ryhe, rohnàn yawo rma haxa nehxakonà. Àsok tawro hana, noro hutwahra rma hak ryesnàr ke hamà, noro hona xenyhera rma hak ryesnàr ke hamà.

1 Txemohtyo 1:20

Nyamoro wyaro rma rha natxhe, Emenew komo, Aryesantàrye xarha. Àro ke, uro ryhe àhanatanàhtxownà. Onà wyaro ryhe àkekonà, àwyanye. Amna yakoro ohsamnohpàra harha ehtxok hampànà, àkekonà, àwyanye. Satanasà hyaka haxa àtotxok hampànà, àkekonà. Àro wyaro àhanatanàhtxownà, anar me harha ehutwanàr kom horà, Khoryenkomo wàràhyakahra harha esnàr kom horà.

Ekmàryewyana komo 12:1

Khoryenkom hona wenyaha kany me nehxatxkon hatà, amnyehran heno komo, thenyenohnà heno kom hatà. Khoryenkom hona xenye rotho me tenyatxow hamà. Àro ke, nyamoro heno hoko tehohkatxe. Àsoken komo wyaro hana tehxatxow ha. Tàkràt kom hoko totkukmaxem komo wyaro tehxatxow hamà. Tàkràt kom hoko totkukmantokonye, tomyawonotho komo hnànketxow hamà, tamusnye esnàr ke. Àsok tawro hana, karyhe rma haxa tàtonàr kom xe tesnàr kom ke hamà. Àro wyaro rma rha tehtxe. Eten kom hana kowyatxow ha, Khoryenkomo hyaye, àhok kehtxoho kom hana. Àrotho kom hokohra harha tehtxe. Omeroro rma tàhnànkatxe, Khoryenkom hona roro rma haxa kàwyanye xenytxoho me. Kanhànàthàyam xarha tàhnànkatxe. Eten kom hok hana tehohkaxemà roro me tehxatxow ha, kanhàn kom hok hana. Àrotho kom hoko ehohkahnà ro me harha tehtxe.

Txaku 2:7

Nyamoro rma, Kryestu yosotà wàràhyakany me natxhe. Noro yosotà ryhe, ukurunkahnà me xaxa naha, kàwyanye. Kryestu yosot yawo rma, totahxem me tehxatxhe, kàwyamo, Kryestu mryenon kom kaxe.

1 Petru 2:1

Oyonutxownà harha, ekato me. Àro ke, toto komo xanhàn mehra harha ehtxoko. Àtemarontahra harha ehtxoko. Yaworonohnà mehra harha ehtxoko. Atakuyhera harha ehtxoko. Wàràhyakano yhera harha ehtxoko.

2 Petru 2:18

Ahananàhnye komo ryhe uro, ketxhe rma haryhe. Akàhpàn me rma hananàhno yeryatxhe. Onà wyaro nketxhe rma haryhe, toto komo wya, Khoryenkomo hutwanyehnà ro kukuru komo wya, noro hutwanàr xan komo wya. Wos hoko oyehtokonye, ohxe rma manatxhe, ketxhe rma haryhe, àwyanye. Àsok maken kom hoko oyehohkantokonye, ohxe rma manatxhe, ketxhe rma haryhe, àwyanye. Àro wyaro rma nenkuhtetxhe.

2 Petru 2:7

Ryo haxa ryhe kurunhoy hatà. Ohxe nehxakon hatà, Ryo. Noseryehokekonà rma haxa mak hatà, toto kom hoko, anhàtho kom hoko rma, tweromra rma haxa esnàr kom ke hatà.

Xuknasà 1:13

Kahxe ymo yakronà wyaro atxke rma haxa tonyxem me naha, anhànàthàyamo. Xeryko yotowrà wyaro xarha natxhe. Totowàtxhe rma, nosomtatken hamà, xerykotho. Awaràn waw harha nay hamà. Àro wyaro rma rha, yuhnayen hona texem me natxhe hampànà, nyamoro heno, anar me ahananàhnyenhàyamotho. Awarànà ymo wawo roro rma natxhe hampànà, meya roro mak ha.

Xuknasà 1:8

Nyamoro heno wyaro, atxke rma rha natxhe, anar me ahananàhnye komo. Kosenyetno, ketxhe. Àro hoye ro tanhàn kom hoko natxhe. Àro wyaro natanàhnohyatxhe. Ehonomnà komo xanomkahnohyatxhe xarha. Kahe yawon komo wàràhyaketxhe xarha.

Xowawu Nenyetxho 16:9

Àro ymo yatunu wya natakyatxkonà, toto heno komo. Tataknyetokonye rma, Khoryenkomo wàràhyaketxkonà rma, nyamoro heno, tanàhnohnye kom yoh me noro yesnàr ke. Onà wyaro kahra mak nehxatxkonà, àwya. Ehonomnà me xaxa manay hamà, enyhoru ro me xaxa manay hamà, kahra nehxatxkonà, àwya. Anar me harha tanhànàthàyamo yonyhera rma nehxatxkonà.