Txesusu Nànyaketxho ro komo 7:42 - Hixkaryána Novo Testamento

⁴² Khoryenkomo ryhe, anar me harha nehutway hatà, tàmryenon heno kom hoko. Nahtxoko hxak hakahpa, kekon hatà, thokohra harha esnàr komo ke. Nahtxoko hxak hakahpa. Xeryko heno hok hak nahtxok harha. Xeryko heno yowakryeny me hak nahtxok harha, kekon hatà, Khoryenkomo, nyamoro heno hoko, kekon hatà, Estefaw heno. Àro hoko rma nmenhotxownà hatà, Khoryenkomo rwonà yokarymanye ro heno komo. Khoryenkom karyehtan yawo rma, onà wyaro nkehe, ànmenhothàyamo. Ehsayewyana komo y, 40 me otxemnyehàntatxownà, ahehnawo. Àto rma oyehtokonye, owoknàthàyamo màmyatxkonà rma haryhe, rowya. Onharaxkatxhàyamo rma màmyatxkonà. Rowakryehra mak mehxatxkonà.

Txesusu Nànyaketxho ro komo 7:42 Iomraidhean Croise

Xowawu 6:45

Àro hoko rma, onà wyaro nmenhoy hatà, Khoryenkomo rwonà yokarymanye ro heno. Khoryenkomo nhananàhrà me natxhe hampànà, omeroro. Àro wyaro rma nkehe, àmenhosahonhàrà, kekon hatà. Royàmà rwonà yonytxanyenhàyamo ryhe, noro nhananàhàthàyamo rma, rohona xenyxe nomokyatxhe hampànà, nyamoro marma, omeroro rma, kekon hatà.

Txesusu Nànyaketxho ro komo 13:40

Àro ke, Khoryenkomo wya ayanàhnohrà kom hona mpàn xenytxoko. Àro hoko rma, onà wyaro nmenhotxownà hatà, Khoryenkomo rwonà yokarymanye ro heno komo.

Txesusu Nànyaketxho ro komo 7:36

Noro heno rma nenampatakatxownà hatà, Exet yamtar hoye. Exet ho rma hak tehtoko, eryehokano yeryakon hatà. Khoryenkom yahoxetà rma yonyhekon hatà, Exetyana komo wya, kekon heno hatà. Àro wyaro rma rha eryehokano yeryey xarha tà, tuna ymo hoko, tuna tutxuryemà onà katxho hoko rma. Àro wyaro rma rha eryehokano yeryakon xarha tà, ahehnawo. Àto rma 40 me txemnyehàntatxownà hatà, kekon hatà, Estefaw heno, horykomo komo wya.

Ekmàryewyana komo 3:9

40 me txemnyehàntatxownà àto. Rahoxetà ryhe wenyhekonà roro, àwyanye. Àna make ryhe mpe ketxkon mak ha, nyamoro heno.