Avafilipi 4:19 - Lufingano Lupya

¹⁹ Sweno, Nguluvi vangu, muwunono wakwe uwukomi ukukola kwa Kilisito, avapela mbefili fyemwiguluma.

Avafilipi 4:19 Iomraidhean Croise

Matayo 6:32

Pakuva avanu vesivamuseli Nguluvi vavisaka ifyo mbefili. Neke udadenyu yealikuchanya alusele ulwa mwisaka ifyo mbefili.

Yohane 20:17

Yesu amulonje, “Ulandibata, pakuva sindilapiluka kwa Dada. Ino bitage ku vanyalukolo vangu ukavalongele ulwa ndipiluka kwa Dada vangu nave Dadenyu kwa Nguluvi vangu nave Nguluvi venyu.”

Yohane 20:27

Neke peamutigile Tomasi, “Aliogo kaletage ipa ichala chako ulave, lete iliwoko lyako wambale palubafu lwangu. Ulava ndawe yesiifuuwa, velage ndawe yeifuuwa!”

Avalumi 1:8

Ukutala kwa mbesili, ngumulumba Nguluvi ukukola kwa Yesu Kilisito ukwimila nyenye mbemuli, pakuva ulufuuwo lwenyu lukave lwipulisa mung'i mbesili.

Avalumi 11:33

Uwunono na uluhala na uwuseela wa Nguluvi uwukomi ukulutila! Na ulusungu lwakwe silwawulongo! Na ing'asi sakwe nalamu ukukagulanika! Ndawe Uwandike Uwelu wewitigila:

Avalumi 2:4

Apangi ngali wibedala uwuwuya wakwe uwukomi, na uwukangalifu wakwe, na lwikangaliso lwakwe na uwunsindile wakwe sukulukagula ukuta mbesili isi sidonya veve sambi uhongese nu kupela?

Avalumi 8:18

Nambi nguluwona uluteseko ulu lwalino ukuva si kinu na ludodo, wone tuteganise na yila indolo yesayiwoneka pa hwehwe.

Avalumi 9:23

Na awendige kangi alagile uwolofu wa indolo sakwe, seatuboholye hwehwe ye twe tudonyitwe ulusungu lwakwe, hwehwe yeatugelanise ukwanukila indolo sakwe.

2 Avakolindo 12:21

Kangi nene ngogopa, ukuta apangi penzusile, Nguluvi andevesa pa nyenye, na kangi nyuguvala kwa vala awolofu vevakapigite inzanangifu, na sivalahongesa uwaafu wawo, na uwudobokesi, pamwinga na uwusafi wawo wevakapigite.

2 Avakolindo 4:17

Ukuguda kwetwiguda kudodo na kwa lusika ludodo hela; neke kukutupela indolo isilutye na amahosa mbegali, indolo ingaya wudugo.

Avaefeso 1:18

sambi mugine ukumukagula hilo munumbula senyu ulwa uluhuvi lweavakemelelye mu wunono na indolo ingomi iya ililila lyeavaviche avanu avelu vakwe,

Avaefeso 1:7

Pakuva kwa idanda yakwe Kilisito hwehwe twivakombole, kwekuta inzanangifu setu sihesiswe. Ulo lwelwiwali ukwimila uwukomi wa uwuwuya wakwe,

Avaefeso 2:7

Ulo lweawendite ukululagila kuvanu va imisika igikusa uwukomi wa uwuwuya wakwe weatupelye kwa ulusungu lwa ukuhanga kwetu na Kilisito Yesu.

Avaefeso 3:16

Ngumusuka Nguluvi, mwesigelye indolo sakwe, avapelage uludali lwa Umuhe vakwe, uludali lwa ukukangala mumitima jenyu,

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Avafilipi 4:7

Na uwikalakunoga wa Nguluvi uwulutye uluhala lwa avanu mbevali wuvalolela imitima na uluhala lwenyu mukuhanga na Kilisito Yesu.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Avakolosayi 3:16

Ulukani lwa Kilisito lwikalage mugati umwenyu pamwinga na uwunono wakwe mbewuli mwiyigisage na ukwiyisa mu luhala mbeluli. Mwimbage isabuli, na inzimbo, na uwimbe wa kinyamuhe; mumwimbilage Nguluvi munumbula senyu mwina ikilumbo.

1 Avatesaloniki 2:12

Twavakangise imitima, na ukusikimika na ukuvalamusa sambi mwikalage mumigendele je gikumunogela Nguluvi ye avakemelye muhange mu wutwa na indolo sakwe.

1 Timoti 6:17

Uvalagisage avanono mumikalile ja neng'ino validusa, na ulwa valihuvila uwunono wesiwinanagi, pesi ukuta vamuhuvilage Nguluvi, ye ukwimila wudeke wakwe akutupela ifinu mbefili fitunogele.

Filimoni 1:4

Mbepali nene pengwifunya, nyele ngukwiwuka veve Filimoni, na ukumulumba, Nguluvi.

1 Petulo 5:1

Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka

1 Petulo 5:10

Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange.