Avafilipi 4:18 - Lufingano Lupya

¹⁸ sweno, yenzanuche ifinu mbefili fyemukameelye, kangi filutye mula mwengasakilige. Ndinafyo mbefili lino pakuva Epafolodito yeandetye ifipelwa fyenyu. Ifipelwa ifi fiva nda nambika iyinung'ilila wunofu, ikitawulwa chekikwidikilwa na ukumunogela Nguluvi.

Avafilipi 4:18 Iomraidhean Croise

Ifipigo 10:4

Koleneli amulafile uyo munyivaha kono we akogopa, amutigee, “Kwina kiki Mulugu?” Uyo umunyivaha amutigee, “Nguluvi idiche na ukwiwuka ukwifunya kwako na ifitawulwa fyako kwa avamikaa.

Avalumi 12:1

Ino nguvagongola vanyalukolo vangu, mwitawulage uwunu wenyu kwa Nguluvi, yive nambika iya mbepali, nzelu na iyikumunogela. Iyo ye ng'asi iyanachene ya ukumusunyalila.

2 Avakolindo 11:8

Pendapigige ikipigo apenyu, ndanuche amahombo ukuhuma kwa amakanisa agangi. Tutigile kwa ulubali ulungi ndavanwike avene uwunono wawo sambi ndivapigile nyenye.

2 Avakolindo 9:12

Pakuva ikipigo iki chelu chemwipiga si witigila wanda kitanga hela fyevagulwime avanu va Nguluvi, pesi ukuta kangi kikwega avanu wolofu vamulumbe Nguluvi.

Avaefeso 5:2

Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Avafilipi 4:12

Fulwike ukuva nafyo na fulwike ukuguluma mwambefili na bahapavesaga ngiyigise ulwa ikinyele ulwa ukuva na ifyolofu na ukudagana, mufyolofu na pefikepite.

2 Avatesaloniki 1:3

Vanyalukolo, lutuvaje ukumulumba Nguluvi mbepali ukwimila nyenye. Lwinoga hwehwe tupige ndahihyo pakuva ulufuuwo lwenyu lwigina ukongelekela na uwiyendi wenyu nawo wukongelekela hilo.

Avaebulaniya 13:16

Mulonga musemwe ukupiga inofu nu kwitanga, pakuva isi sesene se inambika isikumunogela Nguluvi.

1 Petulo 2:5

Mumubitilage umwene mwiva ndawe amaganga amanyawumi musengelwe sambi muve kaye ya ikinyamuhe, umo mwemumupigila wita avatambisi avelu, ukutawulila inambika isa kinyamuhe isikumunogela Nguluvi ukukola kwa Yesu Kilisito.