Avafilipi 3:9 - Lufingano Lupya

⁹ na ukuhangila ng'ani na umwene. Nene sipembwenda kangi uwugolofu uwihumaga mukwinatila indagilo; lino ndinawo uwugolofu wawihumaga mukumufuuwa Kilisito; uwugolofu uwihumaga kwa Nguluvi na uwukwimilaga mulufuuwo.

Avafilipi 3:9 Iomraidhean Croise

Matayo 9:13

Apo nditigila mubite mukiyigise ukuganula ing'ani isi ‘Nene ndisaka ulusungu sindisaka inambika nda.’ pakuva sindasili mukukemela avagolofu, pesi avanyanzanangifu hela.”

Avalumi 1:17

Pakuva Ulukani Ulunofu luvika pawelu lula lwe Nguluvi akuvawuyapa avanu vave vagolofu; ulukani ulo lwipigikilaga mu lufuuwo, uluhuma pamuvango mbaka kumudugo. Ndawe lwandikwe, “Umunu umugolofu kwa ulufuuwo anana.”

Avalumi 10:10

Pakuva umunu aifuuwa kwa inumbula nu kuwuyapwa mugolofu, na ukwidikila kwa umulomo gwakwe apokwe.

Avalumi 16:7

Ndihungisa kwa Anduloniko na Yuniya avanyang'i avayangu vevasopitwe mundinde pamwi na nene; nawo vakagulanike hilo mwa avigendo, kangi vatasile ukwingila mu wukilisito nene pesindilava nzingila.

Avalumi 5:21

Ndawe lwe inzanangifu yitemaga mukukola ifwa, lwindahihyo uwuwuya witemaga mu wugolofu na ukuleta uwumi wa mbepali ukukola kwa Yesu Kilisito Umutwa vetu.

Avalumi 8:1

Sweno, kugaya kuhigwa kwa vala ve mumikalile jawo vave kinu kimwi na Kilisito.

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

1 Avakolindo 1:30

Umwene ye kilamuko cha uwumi wenyu mwa Kilisito Yesu ye Nguluvi amuwuyipe ave luhala lwetu, uwugolofu wetu na ukweswa kwetu na uwukombolwa.

2 Avakolindo 5:17

Umunu yeyeavesaga peahangite na Kilisito aiva kigawa kipya, isa pidaha yesilutye, lavage imya susile.

2 Avakolindo 5:21

Kilisito ali mugaya nzanangifu, neke Nguluvi amuwuyipe ingile mu nzanangifu ukwimila hwehwe, sambi kwa ukuhanga nave, tupelwe uwugolofu wakwe Nguluvi.

Avagalatiya 2:16

Nahwe tukulukagula hilo ukuta umunu sahwana ukuvalilwa wugolofu pa Nguluvi kwa ukwinatila indagilo, pesi kwa ukumufuuwa Yesu Kilisito hela. Nayi hwehwe kangi tumufuuvitwe Yesu Kilisito ndahihyo, sambi tuhwane ukwidikilwa na Nguluvi ukwimila ulufuuwo ululi mwa Kilisito, na si kwa ukwimila ukwinatila indagilo.

Avafilipi 3:6

nane nde ndimupifu hilo, ndalitesise na likanisa. Na kulubali lwa ukwimila uwugolofu wewiwonekaga ukukola ukwinatila indagilo, nene sindendimwananga kinu nda.

2 Timoti 1:9

Umwene atupokite, neke atukemele tuve vanu vakwe yumwene, si ukwimila uwugolofu wa ifipigo fyetu, pesi ukwimila lula lwealalamwe na uwuwuya wakwe. Atupelye uwuwuya wuwo ukwimila Kilisito Yesu pe umuvango gwesigulava gufika,

Tito 3:5

Atupokite si kwa ukwimila ulukani lwelweluvesaga ulwa uwunofu lwetwetupigite hwehwe, pesi ukuta atupokite ukwimila ulusungu lwakwe, ukukola Umuhe Umwelu yeatupelye imigendele mipya na ukutofuga na ululenga.

Avaebulaniya 6:18

Sweno, kofili finu fivili: fyesihwaniti ukupituka na kangi uwimila ulo Nguluvi sahwaniti alonge wudesi. Sweno, hwehwe yetwakimbilye uwulolesi kulumwene twikangaswa imitima sambi twinatile hilo uluhuvi ulwavisilwe pa hwehwe.

Yakobo 3:2

Neke wone umunu siisooma mumilongele jakwe, sweno, uyo akwilaniche, na ahwanite awuvike muchoga uwunu wakwe mbewuli.

2 Petulo 1:1

Simoni Petulo, umukami na umwigendo va Yesu Kilisito. Kwa nyenye mbemuli yemukanuche ulufuuwo ululing'ene na ulwa hwehwe muwugolofu uwa Nguluvi vetu na umupoki Yesu Kilisito.

1 Yohane 3:4

Yeyeavesaga munu ipiga inzanangifu uyo akwananga indagilo sa Nguluvi, pakuva inzanangifu kwe kula ukwananga indagilo.