Avafilipi 2:3 - Lufingano Lupya

³ Mulapiga kinu ukwimila imitima ja uwutavangu, nambi kwa ulwidudumbo lwa malanga, muvelage na uwilevesi yinyenye kwa yinyenye, yeyeavesaga amulavage umuyagwe ukuta amulutye uwunu.

Avafilipi 2:3 Iomraidhean Croise

Luka 18:14

Nguvalongela, uyu apilwike ibita ukwawo we adegepilwe, ukulutila yula. Pakuva yeyeitupyaga aleveswa yeyeilevesaga uyo akung'umikwa pachanya.”

Avalumi 12:10

Mwiyendage yinyenye kwa yinyenye nda vanyalukolo; yeyeavesaga mwa nyenye avelage na ichoga kulumuyagwe.

Avalumi 13:13

Na imigendele jetu givelage ja ichoga ndawe ulunoje mu kimunyi, tulava vahatufu nambi vagaasi, avaafu na avagoni, vatakifu na vanya gila.

Avalumi 2:8

Neke vala avangi vamusatila pakwe, avanyakubihila uwugolofu neke vafwatage uwanangifu, ililakali na imbipi sa Nguluvi sivagwila.

1 Avakolindo 15:9

Pakuva nene yendi mudodo hilo mwa avigendo, na silunoji nene nambi ukutambulwa mwigendo, pakuva ndalitesise ukulutila likanisa lya Nguluvi.

1 Avakolindo 3:3

pakuva na kulino de nyenye pemwivanu va mung'i. Mbi si nachene ukutigila ukwenyu pekwina igila na ulwitakilo weyinyenye ng'ani? Ulo chekilagilo ulwa nyenye pemukaali mwivanu va mung'i, mukwikala we mukwiga imikalile ija mung'i.

2 Avakolindo 12:20

Nene ngogopa, ulwa apangi penzusile ukwenyu, nywanite ndivafike mwimile wungi, lulemwe ukuvanogela. Nene ngogopa apangi mulava mu lwitakilo na mu gila na mwilakali, muwuhatufu, mu wuheesi, mu lwelango, ulwivifyo, na muwusoming'asa, ikidada na mwiyovo ilileta ulwigawo pagati apenyu.

Avagalatiya 5:15

Neke wone mwilume na ukwilya ndawe amakoko ga mwihala, mwikomalilage samulisinda we yinyenye ng'ani!

Avagalatiya 5:26

Tulemwe ukwidudumba, nambi ukwisagala nambi ukwiwonela gila.

Avaefeso 4:2

Muvelage mbepali muvilevesi, muvalele, muvanya mola, mwikangalilage yinyenye kwa yinyenye mu wende.

Avaefeso 5:21

Yeyeavesaga munu avelage na ichoga kumuyagwe ukwimila ukumogopa Kilisito.

Avafilipi 2:14

Mupigage chekivesaga kitang'ula nambi lubesa,

Avakolosayi 3:12

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

Avakolosayi 3:8

Neke lino musilekelage ng'ani mbesili iso, lilakali, ikivikileme, uwanangifu, uwudesi uwubi, uwihuma mumilomo jenyu nambi ing'ani isa malanga.

1 Timoti 6:4

uyo amemile kidada na sikokili cheakisele. Ye munu yeaiwenda ulwiyendo na ulwitakilo mung'ani isa malanga hela, na lulo lwakwambusa uwifu, lwitakilo, maligo, na ukuvahosekesa avanu imbi,

1 Petulo 3:8

Pendisindilisa nditigila de: luvavaje ukuva na numbula yimwi, mahosa gamwi, luvavaje ukwiyenda kinyalukolo, ukuva vilevesi nyenye kwa yinyenye.

1 Petulo 5:5

Lwindahihyo nanye vanyakilambo luvavaje ukwivika mululagi lwa avavaha. Nyenye mbemuli luvavaje muvelage na uwilevesi sambi mwipigilage; pakuva Uwandike Uwelu witigila: “Nguluvi akuvabesa vanyalwidudumbo, neke akuvapelaga uwuwuya avilevesi.”