Avafilipi 2:17 - Lufingano Lupya

¹⁷ Nambi nawulwe ukwimila avangi pamwinga ulufuuwo lwenyu ululi nambika kwa Nguluvi, Sweno, ndihekelela hilo na ukuvahanza nayi nyenye mbemuli muluhekelelo lulo.

Avafilipi 2:17 Iomraidhean Croise

Ifipigo 20:24

Nene, sindihosa hilo ulwa uwumi wangu ukuva kinu hilo kwa nene pesi kula ukukwisa na ukusinda ikipigo chendatumitwe na ukupelwa na Umutwa Yesu sambi migage, kwekutigila ndalikage ulukani ulunofu lwa uwuwuya wa Nguluvi.

Ifipigo 21:13

Neke umwene atupitwe, “Mwisaka ukugita kiki? Mwisaka ukudenya umutima gwangu kwa ukuvemba kwenyu? Nene si wita ngwidikila hela ukusopwa mundinde kula ku Yelusalemu pesi nambi ukufwa ukwimila Umutwa Yesu.”

Avalumi 12:1

Ino nguvagongola vanyalukolo vangu, mwitawulage uwunu wenyu kwa Nguluvi, yive nambika iya mbepali, nzelu na iyikumunogela. Iyo ye ng'asi iyanachene ya ukumusunyalila.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

2 Avakolindo 12:15

Ngembwenda ukupigila mbefili fyendinafyo mukuvatanga nyenye isa mukinyamuhe. Mbi, lino nyenye munzenda padodo, pakuva nene sindivenda nyenye pakomi?

2 Avakolindo 4:12

Ulu kwe kutigila mugati mwa hwehwe ifwa yipiga ikipigo, neke mugati mwanyenye uwumi wewipiga ikipigo.

2 Avakolindo 6:10

Nambi tukapumiswe, situkafwi; nambi wetwivahuguvafu ulwene twihekelela mbepali; nambi we twivamikaa tuhele twinoniya avanu wolofu; twiwoneka wita avanu avagaya kinu chechekivesaga, kumbi twinafyo mbefili.

2 Avakolindo 7:4

Nguvihuvila pakomi, pendilonga nanye; ngwipulika hilo ukwimila nyenye! Mu kuguda kwetu mbekuli pemelwa ikinyakusikimika kikomi na ukuhekelela pakomi.

Avafilipi 1:20

Chendidoboka na uluhuvi lwangu ukuta mwambesili nene sineema ukukwisa ikipigo changu, pesi ukuta mba na mutima mukangafu imisika mbegili na hilo ulusika ulu, sambi ukukola uwunani wangu mbewuli, mbe muwumi nambi mufwa, ndimuletele Kilisito ululumbo.

Avafilipi 2:18

Lwindahihyo, nayinyenye luvavaje ukuhekelela na ukunyanza nayinene muluhekelelo lwenyu.

Avafilipi 2:30

pakuva umwene, ali itawe uwumi wakwe mwa mbesili na supwe padodo afwe ukwimila ikipigo cha Kilisito, sambi alete uwutanzi wenyu we nyenye mwalemilwe ukuwuleta.

Avafilipi 4:18

sweno, yenzanuche ifinu mbefili fyemukameelye, kangi filutye mula mwengasakilige. Ndinafyo mbefili lino pakuva Epafolodito yeandetye ifipelwa fyenyu. Ifipelwa ifi fiva nda nambika iyinung'ilila wunofu, ikitawulwa chekikwidikilwa na ukumunogela Nguluvi.

Avakolosayi 1:24

Na kulino ndihekelela penditeseka ukwimila nyenye, pakuva ukukola uluteseko lwangu umu mung'i, nyele nditanga ukukwisa kila chekikepa muneseko sa Kilisito ukwimila umuvili gwakwe, likanisa.

1 Avatesaloniki 2:8

Twavendite nyenye hilo mbaka twidikile ukuvahanza si ukuta mu Lukani Ulunofu hela lwa Nguluvi na muwunani wetu. Ulo lwe mwave vanyawende vetu!

2 Timoti 4:6

Pakuva nene kulubali lwangu, sambi nditawulwa nambika na ulusika lwa ifwa yangu yelufikite.

1 Petulo 2:5

Mumubitilage umwene mwiva ndawe amaganga amanyawumi musengelwe sambi muve kaye ya ikinyamuhe, umo mwemumupigila wita avatambisi avelu, ukutawulila inambika isa kinyamuhe isikumunogela Nguluvi ukukola kwa Yesu Kilisito.

1 Yohane 3:16

Hwehwe yetuwukagwe uwende che kiki, pakuva Kilisito awutawe uwumi wakwe ukwimila hwehwe. Nahwe lwindahihyo lutuvaje ukuwutawula uwumi wetu ukwimila vanyalukolo vetu.