Avafilipi 1:9 - Lufingano Lupya

⁹ Lwengwifunya lwe ulu; ndisuka uwende wenyu wuginage ukongelekela ukulutila pamwinga nu wuseela wa nachene na lweluvesaga luhala,

Avafilipi 1:9 Iomraidhean Croise

1 Avakolindo 14:20

Vanyalukolo, mulava nda mwivana vadodo mumahosa genyu. Kulubali lwa uwanangifu muvelage nda mwivana vadodo, neke mu mahosa genyu lunoje muvelage nda mwivanu yemukange.

2 Avakolindo 8:7

Nyenye mwinafyo mbefili: ulufuuwo, uludali ulwa ukulonga, uwimbi; uwupifu mbewuli uwa ukupiga inofu, na uwende wenyu kwa hwehwe. Nambi lino, tukwihuvila ulwa muva vadeke mu kipigo iki icha uwende.

Avaefeso 5:17

Sweno, mulava mwivapuva, neke mugelage ukulukagula lula lweiwenda Umutwa.

Avakolosayi 1:9

Na ukwimila lulo tukave mbepali tukuvasukila petukwifunya peyetupulike isa nyenye. Tukumusuka Nguluvi avamemye uwuseela uwukwilaniche wa uwende wakwe, avamemyage uluhala mbeluli na ifigaho ifiletwaga uwiletwagwa na Umuhe vakwe.

Avakolosayi 3:10

na mufwite uwunu uwupya. Uwo wigina ukuwuyapwa na Nguluvi, Umugafi wa wuwo, wutegane mulwihwano lwakwe, sambi muhwane ukumukagula Nguluvi mu wukwilanifu.

1 Avatesaloniki 3:12

Umutwa avatangage nyenye muwiyendi nu kuvenda avanu mbevali hilo na hilo, ndawe hwehwe lwe tuvenda nyenye.

1 Avatesaloniki 4:1

Pendidugilisa, vanyalukolo vangu, ye mukiyigise ukuhuma kwa hwehwe lula uluvavaje ukugenda sambi mumunogele Nguluvi. Nachene mukave mwigenda ndahihyo. Lino tukuvasuka nu kuvagongola mwitawa lya Umutwa Yesu mupigage ulunofu ululutye.

2 Avatesaloniki 1:3

Vanyalukolo, lutuvaje ukumulumba Nguluvi mbepali ukwimila nyenye. Lwinoga hwehwe tupige ndahihyo pakuva ulufuuwo lwenyu lwigina ukongelekela na uwiyendi wenyu nawo wukongelekela hilo.

Filimoni 1:6

Ngwifunya sambi ulufuuwo ulo lwewihanga pamwinga na hwehwe lukutange uve na uwuseela uwukwilaniche hilo wa uwufunyilile mbewuli wetwipelwa mukuhanga na Kilisito.

Avaebulaniya 5:14

Neke ikilyo ikikangafu icho chakiva kuvanu avavina avakange, ve uluhala lwawo lwasoveliswe ukuhiga inofu na imbi.

1 Petulo 1:22

Pakuva lino, ukukola ukuwidikila uwanachene, nyenye yemusesise inumbula senyu na ukuvenda avayenyu si muwubuganisi nda, lino mwiyendage kwa mutima mbeguli.

2 Petulo 3:18

Pesi nditigila muginage ukuvina mu wuwuya na mukumukagula Umutwa vetu na Umupoki Yesu Kilisito. Indolo sivelage kulumwene, lino na kumbepali Ena!