Avafilipi 1:30 - Lufingano Lupya

³⁰ Lino muhwanite muhange na nene mukuhoma ligalu. Iligalu ili lyelila lyemwambwene nene ndihoma pala pamwandi, na kulino penyoma ndawe lwe mwipulikaga.

Avafilipi 1:30 Iomraidhean Croise

Yohane 16:33

Iso ndivalonje sambi muve na uwikalakunoga mugati mwa nene. Mung'i umu muva na lugudo ino mulogopa! Nene ndiyidwesise ing'i!”

Avafilipi 1:13

Ukuhumila siso, avalolesi mbevali va mwivaha pamwinga na avangi ipa vakulukagula ukuta ndimusope mundinde ukwimila Kilisito.

Avakolosayi 1:29

Sambi lupigike ulu nene ndipiga ikipigo kwa kukangala ndikola uludali ulukomi lwa Kilisito ulwipiga mugati mwanene.

Avakolosayi 2:1

Ndiwenda mulukagule lwendipiga ikipigo kwa kukangala ukwimila nyenye na avanu va ku Lawodikeya kangi na ukwimila mbevali vesivalambona.

1 Avatesaloniki 2:2

Mukwiwuka lula lwe vatupije fibi nu kutuliga kula ku Filipi petwesitulava tufika ukwenyu ku Tesaloniki. Nambi kwe na lubesa lukomi, neke Nguluvi vetu atupelye uwupifu uwa ukuvadalikila Ulukani Ulunofu lwakwe.

1 Timoti 6:12

Dadambale wunofu muligalu ilya ulufuuwo, wibatilile uwumi wa mbepali wewakemelitwe, ulusika lwewalwidikilige ulufuuwo pa wolelesi wa awolofu.

2 Timoti 4:7

Ngave mupifu mulwitalaniso, yesinzile ulugendo mbeluli na ulufuuwo ngalugosise.

Avaebulaniya 12:1

Pakuva hwehwe twina lilugu ili ilikomi ilitupilime lya awolelesi. Sweno, tukilekelage ng'ani chechekivesaga kikututindasa, ni nzanangifu yila iyikutusila kolofu kolofu. Kangi tukimbilage mu wukangalisi tuvaleme avangi petukwitalanisa nawo.

Avaebulaniya 12:4

Pakuva petukwihoma ni nzanangifu, nyenye simulava mwihoma mbaka ukufikila ukubohola idanda yenyu.

Uwugubulilwe wa Yohane 12:11

Vanyalukolo vetu yevadwesise kwa idanda ya umwanang'olo na kwa uludali lwa uwanachene wevawulaalikige, pakuva sivawutugiti na uwunani wawo ukuta kinu hilo, swe viva vidiche nambi ukufwa.