Avafilipi 1:11 - Lufingano Lupya

¹¹ Uwunani wenyu sawumema mbesili isa nachene na inofu, sila se Yesu Kilisito umwene avapela, ukwimila indolo na ululumbo lwa Nguluvi.

Avafilipi 1:11 Iomraidhean Croise

Matayo 5:16

Mulekage itala senyu sing'alikage pa vanu, sambi vafiwone ifipigo fyenyu, kangi vamulumbe udadenyu uva kuchanya.

Yohane 15:16

Si Nyenye nda yemwanyagwe nene, ali nene yendavahagwe nyenye neke ndivavike muveleke amaveleko, na amaveleko geganana sambi luve chechemusukaga kwa Dada mwitawa lyangu avapele.

Yohane 15:2

Lilyelivesaga litagala mugati mwa nene lyesiliveleka amakowo akulihesa, na lilyelivesaga ilitagala lyeliveleka amakovo aitotekela sambi liveleke amakowo molofu.

Yohane 15:8

Palulo Dada vangu apelwa indolo wone muveleke amakowo molofu na muva vanyigendo vangu.

Avalumi 15:28

Pesinzile ikipigo icho nu kuvapela umuhangu ugo gwevakakong'ise ukwimila avene, pendivagendela nyenye pendilutila sogwe ku Sipaniya.

Avalumi 6:22

Neke lino yemukombolilwe uluhuma mu wunyawingi wa inzanangifu, na yemuve mwivakami va Nguluvi, chemukwambulila umo lino we uwelu wa imigendele, na chekiwoneka baho we wumi wa mbepali.

1 Avakolindo 10:31

Sweno, chechekivesaga mwipiga nambi ukulya nambi ukunywa, mupigage mbefili ukwimila indolo sa Nguluvi.

2 Avakolindo 9:10

Nguluvi ye mwene yeaitawula inyadikwa ya ukuvyala na ifilyo fya ukulya, palulo Nguluvi avapela nyenye inyadikwa mbesili isa ukuvyala na kangi na isanga ya uwudeke wenyu.

Avaefeso 1:12

Sweno, hwehwe yetwatasile ukumwihuvila Kilisito lutuvaje ukusilumba indolo sa Nguluvi!

Avaefeso 1:14

Uyu Umuhe che kipingiko cha ililila lya fila mbefili fye Nguluvi fyealavahuvise avanu vakwe, na ulukani ulu lukutulagila ukuta Nguluvi avakombolela ng'ani avanu vakwe mbevali. Tusilumbage indolo sakwe!

Avaefeso 2:10

Hwehwe twi figawa fyakwe Nguluvi, na kwa ukuhanga na Kilisito Yesu, atugafile sambi twikale muwupiga inofu sealatuviche tupigage.

Avaefeso 5:9

pakuva amaveleko ga ulung'ali we wunofu mbewuli, uwugolofu na inachene.

Avafilipi 4:17

Mulihosa ulwa ndiwenda hela ukwanukila ifipelwa; chendisaka ukwambula kongelekele mufisande fya uwunono wenyu.

Avakolosayi 1:10

Apo pemuhwana ukwikala ndawe lweiwenda Umutwa na mbepali mupigaga isikumunogela umwene. Imikalile jenyu giva giveleka amakowo mbegali ga imigendele iminofu nanye muvina mufigaho ifya ukumukagula Nguluvi.

Avakolosayi 1:6

Ulukani Ulunofu lwigina ukuveleka nu kutagalila mung'i mbesili ndawe we lukapigite ukwenyu nyenye uluhuma ikimunyi kila pemwalupulike lwilongwa ulwa uwuwuya wa Nguluvi na ukuyikagula inachene.

2 Avatesaloniki 1:12

Na mwalulo, litawa lya Umutwa vetu Yesu ipelwa indolo ukuhuma ukwenyu, nanye mupelwa indolo ukuhuma kulumwene uwuwuya wa Nguluvi vetu na wa Umutwa Yesu Kilisito.

Tito 3:14

Luvavaje avanu vetu viyigise ukukola ifilega fyawo ukupiga inofu sambi vatange mufinu fyetwiguluma nachene, na kangi imigendele jawo mbegili givelage ja kwambula inofu.

Avaebulaniya 12:11

Ukukenyelwa si kinu cha luhekelelo nda, cha kuhuguvika, pambele ulukenyelo lwalwiveleka amaveleko ga uwikalakunoga uwa uwugolofu kwa vala avafunde mwalulo.

1 Petulo 2:12

Imigendele jenyu pa vamyanza givaje ukuva minofu hilo, sambi luve nambi pevavavakuvafila ukuta mwipiga imbi vahwane ukwimila ifipigo fyenyu ifinofu na palulo vamupele indolo Nguluvi ikimunyi pesaakusa.

1 Petulo 2:5

Mumubitilage umwene mwiva ndawe amaganga amanyawumi musengelwe sambi muve kaye ya ikinyamuhe, umo mwemumupigila wita avatambisi avelu, ukutawulila inambika isa kinyamuhe isikumunogela Nguluvi ukukola kwa Yesu Kilisito.

1 Petulo 2:9

Neke nyenye mwilukolo uluhagule, uwutambisi wa uwutema, ulukolo ulwelu, avanu vakwe yumwene Nguluvi, sambi mudalike ifipigo fyakwe finyandolo fyeavakemelye uluhuma mulwisa swe akuvingisa mu lung'ali lwakwe ulukomi.

1 Petulo 4:14

Muvinomi nyenye wone mwiligwa ukwimila litawa lya Kilisito; ulukani ulo lwilagila ukuta Umuhe va indolo, tutigile Umuhe va Nguluvi akwikala mwanyenye.