Avaebulaniya 1:4 - Lufingano Lupya

⁴ Umwana va Nguluvi ye muvina ukulutila vanyivaha, ndawe litawa lyeapelitwe na Nguluvi, ikomi hilo ukulutila ilitawa lyawo.

Avaebulaniya 1:4 Iomraidhean Croise

Avaefeso 1:21

Uko, Kilisito atemile muvalongola mbevali, uwuvina na uludali na uwutwa mung'i uwuvina wewewuvesaga wewitambulwa mung'i umu na kung'i iyikusa.

Avakolosayi 1:18

Umwene ye mutwe gwa umuvili gwakwe, kwekutigila likanisa, umwene che kilamuko cha uwumi uwa umuvili gugo. Umwene gwe muvango, umuvele yatasile ukusilibusiwa ukuhuma kuvafwe, sambi ave uva ukutala mwambefili.

Avakolosayi 2:10

nanye mupelitwe uwumi uwukwilaniche mukuhanga nave. Umwene ye muvina kwa amasoka agatemile mbegali na avanzagila mbevali.

2 Avatesaloniki 1:7

na ukuvapela iikiba nyenye ye mwiteseka na hwehwe nahwe. Apiga ulo ulusika lwa ukusila Umutwa ukuhuma kuchanya pamwi na vanyivaha vakwe avavina

Avaebulaniya 1:9

Veve wawiwenda uwugolofu, wakuwuvipila uwanangifu. Na uwimila iso nambi Nguluvi, Nguluvi vako akakufunyilye, kangi akupelye uluhekelelo ulukomi ukulutila lweavapelye avayago.”

Avaebulaniya 12:17

Nanye mulukagwe ukuta pambele peawendige apelwe uwufunyilile wula wewe wakwe, vamubihye, pakuva sipepokili kilega kangi cha ukuhongesa, nambi we akisakige ikilega icho kwa inzihosi.

Avaebulaniya 2:9

Neke tukumuwona Yesu ye kwa ulusika ludodo avikitwe ave mudodo hilo pasi ya vanyivaha. Lino tukumuwona Yesu ye kwa ulusika ludodo awuyipwe mudodo kwa avanyivaha, apelitwe ingela ya indolo na uwutambule ukwimila uluteseko lwa ifwa, sambi ukwimila uwuwuya wa Nguluvi afwe akwimila avanu mbevali.

1 Petulo 3:22

yula yeahele kuchanya na lino akong'ome ulubali lwa kundyo lwa Nguluvi, pamwi na avanyivaha imbali mbesili mbike kulumwene.