Lukas 9:3 - Buk Niu In Hida Balu nol Dehet deng Apan-kloma ki in Dadi ka

³ Mo Un tek oen noan, “Nangan babanan! Mi boel kil sa-saa se lalan deken. Laok nol kaod in se mi apan na ngas tuun. Kil hnikan deken, tas deken, in kaa se lalan deken, nol duit deken. Kaod in silu kon kil deken!

Lukas 9:3 Iomraidhean Croise

Markus 6:7

Un haman Un ima-ii las hngul duas, le nutus oen laok at dua-dua, halin laok nahdeh atuli las deng Ama Lamtua Allah Dehet Dais Banan na. Un kon beles kuasa le halin oen nulut nal uikjale.

Lukas 12:22

Hidim Yesus tui taplaeng Un ima-ii las pait noan, “Mi siin-tiud isi nol mi in nuli lelo-lelon na deken, noan le kaa saa tamlom le pake saa.

Lukas 12:28

Ta Ama Lamtua Allah papa-piaar bluan ana man muik nahin saa lo, man suma nuli leol neot nia, mo ola kam mate, le atuli kat soleng tamang lako ai dalen na. Eta ela lam, Un kon papa-piaar nal mia, man osa dui deng bluan nas. Tiata tasao le mi nahlae baktetebes se Un tuun lo kia?

Lukas 22:35

Hidi kon Yesus aa nolas noan, “Dedeng Auk nutus mi le laok tek Auk Dehet Dais Banan na se ola-ola ka, Auk kaing mi le kil duit deken, tas deken, nol nahan deken. Tiata dedeng na, mi dabun sa-saa se lalan ne?” Kon oen siut leo-leo noan, “Dedeng na kaim dabun sa-saa mes lo kon!”

Lukas 3:11

Kon un situs noan, “Eta ku muik kado dua lam, bel mes se atuil in muik kaod lo ngas. Eta ku muik in kaa kam, bating bel atuil man muik in kaa lo ngas.”

Lukas 5:29

Hidi nam, Lewi tao fesat tene mesa, le haep Yesus maa se un uma la. Un kon haep un tapan in sium bea ngas, nol haep atuil didang kon le maa muid fesat na.

Lukas 9:4

Eta mi tamam se ingu mes le muik atuli tade in sium mia kam, laok daad nolas se oen uma. Boel huil um deken. Daad se lam, didiin mi bok lakom deng iung na.

Timutius dua la 2:4

Tentara in lako-daek Un osa la ka, laok kutang nol atuil didang osa pait lo. Nini ela lam, un tao un komendan na dalen kolo.