Lukas 9:23 - Buk Niu In Hida Balu nol Dehet deng Apan-kloma ki in Dadi ka

²³ Hidi nam Un tek atuil hut mamo kas noan, “Asii man kom le muid Au lam, un musti tahang le muid napiut lelo-lelon. Un musti sao soleng un in koma-koma ngas esan. Eta atuli tao un dadaat didiin keo tele kon, un musti muid napiut, tuladang el atuli haal un kai sangsuli la, le lako maan in mate kua.

Lukas 9:23 Iomraidhean Croise

Roma 8:13

Ta eta kit nuil muid daat in ne kit dalen ni ngias tuun nam, taon elola ko Ama Lamtua bali kudi kita, le hukung tele kita! Mo eta kit nang le Ama Lamtua Koo la tao dudus kula ka in kuasa ne kit dalen ni kia lam, mam kit haup nal in nuil toma ka.

Kolose 3:5

Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).

Timutius dua la 3:12

Meman totoang atuil man in parsai se Yesus Kristus, nol kom le nuil niu muid Ama Lamtua Allah in koma ngas, taon elola ko atuli tao susa-daat saol one.

Titus 2:12

Undeng na, kit musti hutun soleng in nuli man tom lo ka, nol totoang in kom dadaat ne kit dalen nia ngas. Kit in nuil ne apan-kloma hahalas nia ngias, musti tahang taan apan, nuil niu, nol muid napiut se Ama Lamtua Allah.

Ibrani 13:13

Undeng na, atuli bilu-aa kit kon, kit musti mana le sium tukun, banansila el Una, hidim maa le kit parsai napiut se Una.