Lukas 9:16 - Buk Niu In Hida Balu nol Dehet deng Apan-kloma ki in Dadi ka

¹⁶ Nikit atuli las totoang daad son kon, Yesus kat ruti bua lim nas nol ikan dua nas. Un ngada lako el apan nua le kohe-kanas nodan mamo. Hidim Un bilas-bilas ruti nol ikan nas, le doong bel Un ima-ii las halin laok bating bel atuli las.

Lukas 9:16 Iomraidhean Croise

Matius 14:19

Kon nam, Yesus tadu atuli las totoang le daad nakbua se bluan na dapas. Hidim Un kat ruti bua lim nas, nol ikan dua nas, le ngada lako el apan-dapa, nol nodan mamo se Ama Lamtua Allah. Hidi nam, Un bilas-bilas ruti las nol ikan nas, le tunang bel Un ima-ii las halin oen laok bating bel atuli las totoang.

Matius 15:36

Hidim Un kat ruti bua iut nas, nol ikan nas le nodan mamo se Ama Lamtua Allah. Un bilas-bilas ruti nas nol ikan nas, le beles se Un ima-ii las, halin oen laok bating bel atuli las totoang.

Markus 7:34

Yesus ngada lako el apan nua, le pel hngasa ka bablatas, hidim Un prenta noan, “Efata!”, (nahin na noan, “Hosai tia!”)

Lukas 22:19

Hidi nam Un kat nal ruti bua mesa, le nodan mamo se Ama Lamtua Allah. Hidim Un bilas-bilas ruti na, le tunang beles. Un tekas noan, “Ruti nia, Auk apang nga man Auk sao totoang bel mian. Oras mi kaa ruti nia lam, mi musti nangan net Au.”

Lukas 24:30

Oras oen daad le kaa ka, Yesus kat ruti bua mesa. Hidim Un kohe-kanas le nodan mamo se Ama Lamtua Allah. Hidi nam Un bilas-bilas ruti na, le tunang beles duas,

Lukas 9:15

Kon nam oen daek muid ela.

Lukas 9:17

Oen totoang kaa didiin silis. Hidi nam ima-ii las kat nakbuan in kaa lisin nas sam, inu fuli hngul dua.

Yuhanis 6:11

Hidi nam Yesus kat ruti nas, le nodan mamo se Ama Lamtua. Hidim Un beles laok se Un ima-ii las, halin oen laok bating bel atuil hut mamo nas. Oen kon bating beles ikan nas. Oen totoang kaa le didiin silis.

Dehet deng Aan in Nutus sas 27:35

Aa hidi ela kon, Paulus kat ruti, hidim un kohe-kanas le nodan mamo se Ama Lamtua, se oen totoang silan. Hidi nam, un kat ruti tep mes le kaa.

Roma 14:6

Eta atuli nangan noan, muik lelo dehe man banan dui deng leol tenga las, sam, un tao ela le tulu in todan bel kit Lamtuan na. Atuil in kaa sisi ngas, kaa le tulu in todan bel kit Lamtuan na, ta oen nodan mamo se Ama Lamtua. Ela kon nol atuil in kaa siis lo ka. Un kon le tulu in todan bel kit Lamtuan na, nol un kon nodan mamo se Ama Lamtua.

Korintus mesa la 10:30

Eta auk nodan mamo se Ama Lamtua, hidim auk kaa lam, tasao le atuli las aa le tao nahu au lia?

Korintus mesa la 11:24

Kon Un kohe-kanas le nodan mamo se Ama Lamtua Allah. Hidim Un tek Un ima-ii las noan, “Kaa ruti nia. Ta ni auk apang nga. Mam oen tao dudus Auk apang ngi bel mia. Tiata mi musti kaa ruti nia, le nangan Au.”