Lukas 9:11 - Buk Niu In Hida Balu nol Dehet deng Apan-kloma ki in Dadi ka

¹¹ Mo atuil hut mamo kas ming haup noan, Yesus le lako bus el ola ka, ta oen laok muid Una. Kon Yesus sium oen nol babanan, hidim Un tao banan atuil in ili ngas totoang, nol Un dehet bel oen deng Ama Lamtua Allah in kil prenta ka.

Lukas 9:11 Iomraidhean Croise

Matius 12:15

Mo Yesus taan oen in nangan dadaat ta, tiata Un lako maan didang. Atuli hut mamo muid Una, kon Un tao banan totoang atuil in ili ngas.

Matius 14:14

Nikit Yesus niu deng lui la kon, Un ngat tam, atuli hut mamo daad natang Un son. Tiata Un dalen nahi nolas. Kon Un tao banan oen atulin in ili ngas.

Matius 21:31

Dehet hidi ela kon, Yesus keket oen noan, “Auk le keket elia: deng tana-anang dua nas, ol man tao muid oen aman na in prenta ka la?” Kon oen siut noan, “Ana hmunan na!” Ta Yesus tekas noan, “Hao. Mo hii babanan, ta Auk in teka ni toma. Mi noken atuil in sium bea ngas nol bihaat hmama kas noan, atuil daat, mo mam oen tamas lakos daid Ama Lamtua Allah atulin muna deng mia. Undeng mi suma hao Ama Lamtua tuun, mo daek muid Un in koma ka lo.

Matius 21:43

Hidim Yesus tupang napiut Un in aa ka noan, “Tiata mi nangan babanan ne. Hmunan nu Ama Lamtua huil kit atuil Yahudi li le daid Un atulin son. Mo undeng mi dai muid Auk lo, tiata mam Ama Lamtua huil atuil didang lolen. Ta atuil man nuil muid Ama Lamtua in koma ngas siis, man tamas nal le daid Un atulin.

Lukas 1:53

Un nalo atuil in lubung ngas didiin silis, mo Un nulut soleng atuil in muki ngas le lakos nol iman mosa.

Lukas 5:31

Mo Yesus tekas elia, “Atuil in ili ngas meman parlu dokter. Mo atuil in banan son nas sam parlu lo.

Lukas 8:1

Nesang isi lo kon, Yesus nol Un ima-ii at hngul dua kas laok papmes kota-kota, nol ingu-iung in se la ngas. Un laok tek atuli las deng Ama Lamtua Allah in prenta ka. Na daid dehet banan taung one.

Lukas 8:10

Un situs noan, “Undeng mi muid Ama Lamtua Allah in koma ka baktetebes son, tiata Auk sai bel mi langa-langa, le halin nam mi taan Ama Lamtua lalan in prenta Un atulin nas elola ka. Mo atuil tenga las dai muid Ama Lamtua in koma ka lo. Tiata Auk tui oen nini kleta tuun. Ta Ama Lamtua mee-baha las dul meman son deng atuil nias elia, ‘Oen netan son, mo dai tanan lo. Oen ming son, mo dai muid lo.’ ”

Lukas 9:10

Oe mesan na kon, ima-ii man Yesus in nutus sas pait le nakbuan pait nol Una. Oen tek Un deng totoang asa man oen in daek nal son nas. Hidim Yesus nol Un ima-ii las ete-ete le lakos se mana mesa, dani nol iung Betsaida, halin oen teen in kae se las.

Lukas 9:12

Lelo-hat son kon, Yesus ima-ii at hngul dua kas laok tek Un elia, “Banan dui ka, Paap tadu atuil nias le lakos se ingu-iung in dadani deng maan ni ngias, halin nuting oen in kaa esan. Nol nang le oen laok nuting maan taung oen in nini. Ta maan ni atuli ase elia lam, taon elol le oen haup in kaa kia?”

Lukas 9:2

Un nutus one, le laok tek atuli las deng Ama Lamtua Allah in kil prenta ka. Un kon nutus oen le tao banan atuil ili las se ola-ola.

Yuhanis 4:34

Mo Yesus tekas noan, “Elia: Ama Lamtua Allah nutus Au le daek muid Un in koma ka, nol lako-daek Un osa la didiin hidi. Na banansila el in kaa mes taung Au.

Yuhanis 6:37

Molota totoang atuil man Auk Amang ngu in huil nal son, le daid Auk atulin nas, mam maas se Au lia. Nol eta muik atuli in maa se Au lia kam, taon elola ko Auk nulut soleng lo.

Dehet deng Aan in Nutus sas 28:31

Nini ela lam, un haup dola le dehet oen deng Ama Lamtua Allah in prenta ka, nol tui oen deng Lamtua Yesus Lalan in Nuli ka. Un dehet langa-langa nol in lii lo, nol muik tatahan in tukan-palan una lo. Ama Teofilus man in banan. Auk in dehet ta, pes se ni sii tuun tia. Nodan mamo. Deng au, Lukas.

Roma 10:14

Mo taon elol le atuli nodan tulung se atuling mesa, eta oen parsai se un lo bii? Nol taon elola le oen parsai se una, eta oen ming net deng un lo bii ka? Taon elola le oen ming net deng una, eta muik atuli in tek one lo ka?

Roma 10:17

Tiata, eta le parsai se Ama Lamtua Allah lam, musti hii-ming Un in Teka-teka ngas muna le. Nol eta oen le hii-ming Ama Lamtua in hida ngas sam, musti hii-ming deng Kristus muna le.

Roma 15:3

Ta Yesus Kristus esa lako-daek Un osa la, le tao Un dalen na sii kolo lo, molam Un tao Ama Lamtua Allah le dalen kolo kon. Na banansila el in dul son ne Ama Lamtua Buk Niu ka deng, mam asa man in daid nol Yesus sa, noan, “Oen in bilu-aa Ku ka, nahi tom Auk kon.”

Ibrani 4:16

Undeng na, maa le kit brain in laok dadani nol Ama Lamtua Allah, se Un del in prenta kua. Ta Un dalen na banan isi. Tiata, eta kit kohe-kanas se Una lam, taon elola ko Un tulu Un dalen banan na, le tulung kit tom nol oras sa.