Lukas 8:54 - Buk Niu In Hida Balu nol Dehet deng Apan-kloma ki in Dadi ka

⁵⁴ Oen tamas kon, Yesus kil tana-bihatang na se ima ka, le tekan noan, “Baat-ana! Hangu tia!”

Lukas 8:54 Iomraidhean Croise

Matius 9:25

Hidi na kon, atuil nas putis totoang. Kon Yesus taam lako tana-ana ka kamar ra, le kilan se ima ka. Kon nam, tana-bihatang na nuli pait deng un in mate ka.

Markus 1:31

Kon Yesus laok ngat blalan bihata nga, hidim kilan se ima ka le, hulung hangu dili. Kon nam un in hed otot ta ilang meman. Hidi nam blalan bihatang na puti lako tutan-lau one.

Markus 8:23

Tiata Yesus pel atuling tedo na se ima ka, le nolan lako se ingu la likun na. Un puut kapen laok se atuling na mata ka, hidim kapas atuling na mata ka, le keket noan, “Elola? Ku ngat net son ne?”

Markus 9:27

Mo Yesus kil tana na se ima ka, le tiun bangun. Kon un hangu dil meman.

Lukas 8:51

Oen lakos lius se Yairus uma lua lam, atuli inu um na son. Oen lilu muun isi. Kon Yesus kaing oen noan, “Mi teen in lilu ka tia! Tana-bihatang ni mate lo. Un suma nini tuun!” Mo atuli las mail le liun sulan nol Una, lole oen net nol matan deng tana-bihatang na hngasa ka in nutus sa. Hidi kon Yesus nodan tana-bihatang na ina ka nol ama ka, Petrus, Yuhanis nol Yakobus le leo-leo nol Un taam lakos uma dalen. Atuil tenga las Un tadus le natang se likun na tuun.

Lukas 8:55

Suknahkitu lam, tana-bihatang na nuli pait, le hangu daad meman. Ta Yesus tadu un ina ka noan, “Belen ngae le un kaa tia!”

Yuhanis 11:43

Un aa hidi ela kon, Un haman nol fala mumuun le tek noan, “Lasarus! Puit maa tia!”

Yuhanis 5:21

Auk Amang ngu tao atuil in mate ngas le nulis pait. Ela kon, mam Auk bel in nuli baktetebes se asii tuun, muid Auk in koma ka.

Dehet deng Aan in Nutus sas 9:40

Hidi kon Petrus tadu oen totoang le putis deng kamar na. Kon un hai buku ka le kohe-kanas. Hidi nam, un bali saol nitung na, le tek noan, “Tabita! Hangu tia!” Nahkiut tuun nam, bihatang na bela mata ka. Nikit un ngat net Petrus kon, un hangu dada.

Roma 4:17

Ne Ama Lamtua Buk Niu ka, Un hid Abraham son noan, “Auk tao ela, le halin ku daid upu kia-kaons deng bangsa mamo.” Abraham parsai Ama Lamtua in hida ka. Hidi nam Ama Lamtua tao in hida na le dadi. Un kon tao atuil in mate ngas le nulis pait. Un suma aa tuun nam, sa-saa man muik lo kas kon, dadis meman.