Lukas 8:5 - Buk Niu In Hida Balu nol Dehet deng Apan-kloma ki in Dadi ka

⁵ “Muik atuil in daek klapa mes lako hising biin se un klapa la. Biin tenga las nahis se lalan. Oras atuli las lako-pait se na ka, oen kida-kida deng biin nas dapas. Hidim kee kas maa noto nulis.

Lukas 8:5 Iomraidhean Croise

Dehet deng Apan-kloma ki in Dadi ka 15:11

Kon nam tilu-kee in kaa sa-saa hmate ngas maas le noan kaa sisi las. Mo Abram nulut soleng one.

Matius 13:37

Kon Yesus situs noan, “Atuling man hising biin banan na ka, Au, Atuling Baktetebes sia.

Matius 5:13

“Etan kit le tao mingis in kaa mesa lam, kit musti buli sil le. Mi niam kon daid sil se apan-kloma kia. Tiata atuli-atuil in ne apan-kloma ki ngias, nuting mia. Mo eta sila la milu lo son nam, taon elola le un daid milu pait ta? Suma kat soleng lako se lalan, le atuli li kida deng dapa tuun.

Markus 4:15

Biin man nahis se lalan na le kee kaa nulis sa, banansila el atuil man in ming Ama Lamtua Allah in Teka-teka ngas, mo nesang lo kon, uikjale kas laih tuan na maa kat lail-niin in Teka-tekang nas deng un dalen na.

Lukas 8:4

Oe mesan na, atuli las puit maas deng ingu mamo le nuting Yesus. Nikit atuil hut mamo nas maas nakbua kon, Un nahdeh beles kleta mes elia:

Lukas 8:6

Biin tenga las nahis tom se dale batu. Biin nas nupu hlapat mo oen bloen, lole ui dabun.

Ibrani 2:1

Undeng na, kit musti kil dididi asa man kit in ming son deng Ama Lamtua Allah Ana ka ka, le halin nam kit nadidingun deken.