Lukas 8:37 - Buk Niu In Hida Balu nol Dehet deng Apan-kloma ki in Dadi ka

³⁷ Kon totoang atuil Gerasa man in daad se dale na ngas, nodan Yesus le lako nang soleng one, undeng oen totoang lii isi. Kon Yesus nol Un ima-ii las sakes lui dapas, le noan pait lakos tubu Galilea halin nua.

Lukas 8:37 Iomraidhean Croise

Matius 8:34

Ming oen in dehet ela ka kon, atuli hut mamo puit lakos se maan na. Oen tutnaal Yesus, kon oen hanet Un le halin lako bian deng oen mana la.

Markus 5:17

Kon atuil in se iung na ngas, maas nodan Yesus le lako bian deng oen ingu-mana la.

Lukas 10:16

Nangan bana-banan! Ta atuil in hii-ming mia ngas, oen kon hii-ming se Au. Nol atuil man dai hii-ming se mi lo ngas, oen kon hii-ming se Auk lo. Taplaeng pait, atuil man dai hii-ming se Auk lo ngas, oen dai hii-ming lo se Ama Lamtua Allah, man nutus Auk son le maang se apan-kloma kia ka.”

Lukas 5:8

Simun tapan atuil tasi kas, nol Yakobus duas Yuhanis, ama Sabadeus anan nas, se na kon. Oen herang isi nol oen in nal ikan mamo isi ela ka. Nikit Simun Petrus net in daid son na kon, un hai buku ka se Yesus sila ka, le tek noan, “Auk tao kula-sala mamo isi son. Tiata banan dui ka Tuang dani-dani nol auk pait bakun tia.” Mo Yesus situn noan, “Simun! Nangan muun isi nol dais na deken, ta Auk le pake mia. Taom mi nuting ikan. Mo nol nia, Auk tui mi le laok nuting atuli, halin muid se Au.”

Lukas 8:36

Hidim atuil man apin net dais na in dadi ngas, tek atuil in maa babalung nas deng taon elola le atuling nuin na banan son na.

Lukas 8:38

Mo atuling apin man tom uikjale ka, nodan tutungus se Yesus noan, “Papa! Nang le auk kon muid Papa!” Mo Yesus situn noan,

Lukas 9:5

Eta mi taam lakom se ingu mesa, mo atuli-atuil in se la ngas sium mi lo, nol dai hii-ming se mi lo kam, haung bokam le nang one. Eta mi putim deng na lam, tao muid hadat ta, le sii soleng auh in se mi iin na ngas. Tek oen noan, ‘Mi dai ming lo, ta nang le mi lepa-haal mi in situ-tala ka esan!’ ”

Lukas 9:56

Hidim oen lakos napiut bus el iung didang.

Dehet deng Aan in Nutus sas 16:39

Kon nam atuil tene nas maas se bui ka, le hao oen in kula ngas. Oen kon nodan le Paulus duas Silas bel ampong one. Hidim oen puting duas deng bui ka, nol nodan duas le halin lakos deng oen kota la.