Lukas 8:31 - Buk Niu In Hida Balu nol Dehet deng Apan-kloma ki in Dadi ka

³¹ Uikjale nas taan in nodan Yesus si-sii le halin tadu oen lakos Bolo Susa-daat ta deken, man daid maan in dulu kuasa deng in daat tas.

Lukas 8:31 Iomraidhean Croise

Matius 25:41

Hidim Auk tek atuli-atuil in se Auk halin kliu ka ngas noan, ‘Hoe atuil daat me! Ama Lamtua Allah bahang mi son. Lakom nodat deng nia! Mam Auk tadu atuli le laok pasang tamang mi se ai naraka man in kaloe hidi nutus taan lo kua. Ta Ama Lamtua Allah mana pesang maan in susa-daat na son, bel uikjale kas nol oen laih tuan na.

Lukas 8:32

Mo dadani se na, muik bahi mamo mukan-mukan le nuting in kaa se leten na peke ka. Kon uikjale nas nodan Yesus noan, “Tadu kaim le taam lakom se baih nuas tuun!” Kon Yesus tade.

Roma 10:7

In Dula Niu ka kon dul noan, “Keket deken tia noan, ‘Asii man le niu lako Bolo Naraka, se atuil hmate kas mana lua?’ ” (Na tuladang el atuli li niu lako, le nol sakeng Kristus pait deng Un in mate ka, halin Un bel boa-blingin kita.)

Apan-kloma Hnika Balu 11:7

Eta oen oras in tek deng Ama Lamtua in teka-teka ngas mana le hidi son nam, mam muik hmukit in tao tele dadahut mes puti maa, deng bolo in susa-daat, man muik in pesa lo ka. Un hote-dait labang oen duas, didiin un tao tehen one nol keo teles.

Apan-kloma Hnika Balu 17:8

Hmunan nu hmukit na nuli se dale-dapa nia, mo halas ni un ase son. Mo nesang lo ka kam, un pait maa deng bolo susa-daat man muik in pesa lo ka. Dedeng na, muik atuli deeh nulis se apan-kloma kia, mo oen ngalan nas dulas lo ne Lae-blai Ana ka Buk man Ama Lamtua Allah dulan muna son, lo-lolo Un koet apan-kloma ki lo bii ka. Atuil nas ngaa-bahan nol in ngat hmukit na, undeng un puit maa pait son. Mo etan un puit maa son nam, mam Ama Lamtua Allah pasang tamang un lako se tasi ai blirang man kaloe' tene taan lo ka.”

Apan-kloma Hnika Balu 19:20

Mo Atuling man in daad se ahloet muti dapa ka, daek hmukit na nol un mee-baah in nole-lilung daat ta. Mee-baah na, man hmunan nu tao taad herang bili-ngala, nol nole-lilung atuli li le sium hmukit in tao tele dadahut na hmarat ta, nol hui se un bangat ta. Mo halas ni, Atuling man in daad se ahloet muti dapa ka, lako pasang tamang hmukit na, nol un mee-baha la, lako tasi ai blirang man kaloe tutungus maet taan lo ka son.

Apan-kloma Hnika Balu 9:11

Klamat nas lahin na, mo tulu tene deng totoang ima-ii man tom in nulut lakos ne, bolo susa-daat man muik in pesa lo ka. Un ngala ka muding dais Ibranin nam, Abadon, eta se dais Yunanin nam Apolion. Un nahin na noan, “In Tao Didaan Sa-saa”.