Lukas 8:25 - Buk Niu In Hida Balu nol Dehet deng Apan-kloma ki in Dadi ka

²⁵ Hidi na kon, Un ngau Un ima-ii las noan, “Tasao le mi parsai Auk lo bii nabael tuun nia?” Oen lii nol herang. Hidim oen keket apa noan, “Idaa! Yesus nia mo asii le? Taon elol le Un prenta nal angin na nol len na le oen muid Un in koma ka lia le?”

Lukas 8:25 Iomraidhean Croise

Matius 14:31

Nol na kon, Yesus doong Un ima ka lalaba le kil Petrus. Un tekan noan, “Petrus! Tasao le ku dalem ma hduan nia? Ku parsai Auk baktetebes lo kia?”

Matius 17:20

Yesus situs noan, “Mi nulut puting nal uikjale na lo, lole mi parsai baktetebes lo kam. Nangan ne! Eta mi parsai baktetebes se Au, suma ana bubuit banansila el kai beas ana blutu mes tuun kon, mi prenta nal leten mes noan, ‘Hoe leten! Lako seda se nua!’ Lam taon elola ko un lako seda se nua. Ta mi tao nal asa tuun, sadi mi parsai baktetebes se Ama Lamtua.

Matius 6:30

Ta Ama Lamtua Allah naleko bunga man suma nuli leol nia, mo ola kam mate le atuli soleng lako ai dalen na. Eta ela lam, taon elola ko Un in naleko mia ka, dui deng bunga nas. Tiata tasao le mi parsai baktetebes se Un lo kia?

Matius 8:10

Ming ela kon Yesus herang. Un aa nol atuil hut mamo man in muid Una ngas noan, “Herang nge! Nesang ngi eli son, mo Auk tutnaal atuil Yahudi mes lo kon, man parsai ka muun el atuling Romang nia!

Matius 8:26

Kon Yesus situs noan, “Hoe, tasao le mi lii isi kia!? Mi parsai Auk lo ke?” Hidim Un hangu dili, le kaing angin na, nol len na noan, “Tenem tia!” Kon nam, len na nol angin na, ete meman.

Markus 4:35

Lelo-maun son, mo Yesus nabael se lui dapa. Kon Un tek Un ima-ii las noan, “Maa le kit luan laa lakong tubu halin nua.”

Lukas 12:28

Ta Ama Lamtua Allah papa-piaar bluan ana man muik nahin saa lo, man suma nuli leol neot nia, mo ola kam mate, le atuli kat soleng tamang lako ai dalen na. Eta ela lam, Un kon papa-piaar nal mia, man osa dui deng bluan nas. Tiata tasao le mi nahlae baktetebes se Un tuun lo kia?

Lukas 8:24

Net ela kon Yesus ima-ii las buk-bangun Una, le tekan noan, “Tuang! Tuang nge! Haung tulung le! Ta kit le mel mateng son nian ne!” Kon nam Yesus hangu. Hidim Un kaing angin na nol len na noan, “Tenem tia!” Tukun nam len na nol angin na ete meman.

Lukas 8:26

Nesang lo kon, oen lakos lius se dale Gerasa, se tubu Galilea halin na.

Yuhanis 11:40

Kon Yesus tekan pait noan, “Nangan net apin na tam? Auk tek meman son noan, eta Marta parsai Auk baktetebes sam, mam ku net nal Ama Lamtua Allah in muun-tes sa.”