Lukas 7:48 - Buk Niu In Hida Balu nol Dehet deng Apan-kloma ki in Dadi ka

⁴⁸ Hidi kon Yesus aa nol bihatang na noan, “Auk kose soleng ku in kula-sala ngas son!”

Lukas 7:48 Iomraidhean Croise

Matius 9:2

Se na, muik atuli deeh dohang nol oen tapan in hlukut-kait mes le nolan lako bel Yesus. Net ela kon, Yesus tana noan, oen parsai le Un tao banan nal oen tapan na. Kon nam, Un aa nol atuling hlukut-kait ta noan, “Pail ana! Tao kuat ku dalem ma! Ta Auk kose soleng ku in kula-sala ngas son.”

Matius 9:5

Eta Auk tek atuling hlukut-kait ta noan, ‘Ku haup ampong deng ku in kula-sala ngas son’ nam, mi taan le daid ela tam lo ka.

Markus 2:5

Yesus ngat net oen in tao ela ka kon, Un tana noan oen parsai baktetebes se Una. Tiata Un tek atuling hlukut-kait ta noan, “Ana! Auk bel ampong ku in kula-sala ngas son!”

Markus 2:9

Ta Auk niam mo Atuling Baktetebes sa. Auk muik kuasa le bel ampong atuli li in kula-sala ngas. Eta Auk tek atuling hlukut-kait ni noan, ‘Ku haup ampong deng ku in kula-sala ngas son,’ mi taan le daid ela tam lo ka. Mo eta Auk tekan noan, ‘Hangu tia! Kat ku nehe ka, le pait tia,’ le mi net esan noan daid ela, halas-sam mi tana noan, Auk muik hak le bel ampong atuli li in kula-sala ngas.” Hidi na kon, Yesus tek atuling hlukut-kait ta noan,

Lukas 5:20

Ngat net ela kon Yesus tana noan, oen parsai le Un tao banan nal oen tapan sa. Kon Un aa nol atuling lukut-hkait ta noan, “Ana! Auk kose soleng ku in kula-sala ngas son.”

Lukas 5:23

Auk niam Atuling Baktetebes sa. Nol Auk muik hak le bel boa-blingin atuli li deng oen in kula-sala ngas. Eta Auk suma tek atuling hlukut-kait ni noan, ‘Auk bel ampong ku deng ku in kula-sala ngas son,’ lam mi net Auk in muik kuasa ne apan-kloma ki ki lo. Mo eta Auk tekan noan, ‘Hangu tia! Kat ku maan in dohang nga le pait tia,’ le eta un hangu nol na kon, halas-sam mi net Auk in kuasa ka. Undeng na le, Auk tade tao banan atuling hlukut-kait nia, halin nam mi tana noan Auk muik hak, le bel ampong atuli li deng oen in kula-sala ngas.” Hidi nam Un bali le aa nol atuling hlukut-kait ta noan, “Haung dil tia! Nikit maan in dohang ku ka, le pait lako tia!”

Lukas 7:47

Kaka Simun hii babanan le! Bihatang ni in kula-sala ka meman mamo. Mo Ama Lamtua kose soleng totoang son, undeng un tulu un in namnau ka, nol un in nodan mamo ka, bel Auk son. Mo atuil in nataka apa ka le muik kula-salan mamo lo ka, un kon nataka kam haup in ampong mamo lo. Undeng na le un namnau taan lo, nol nangan in nodan mamo se Ama Lamtua lo.”