Lukas 7:41 - Buk Niu In Hida Balu nol Dehet deng Apan-kloma ki in Dadi ka

⁴¹ Kon Yesus soleng dais nol una noan, “Muik atuli mesa, man taom bel atuli li duit le natu. Oe mesan na, un bel duit se atuil in natu at dua. Mesan na, un belen naut duit muti ngatus lima; mo mesan na pait suma buk lim sii.

Lukas 7:41 Iomraidhean Croise

Matius 18:28

Mo nikit atuling in dake na puti kon, un tutnaal un tapa mes man hningin duit bubuit se una. Kon un daek un tapa ka, le kes se leo ka, hidim tekan mumuun noan, ‘Hoe! Baen ku hningin nas nol ni tia!’

Matius 6:12

Kaim nodan Ama le kose soleng kaim in kula-sala ngas, banansila el kaim kon nadidingun atuil in tao kula saol kami ngas.

Markus 6:37

Mo Yesus situs noan, “Deken! Mi man beles in kaa.” Mo oen keket bali pait noan, “Inah! Eta kaim pal in bel atuil hut mamo nias in kaa kam, kaim musti puting duit mamo isi! Banansila el tukang mes gaji taun mes dalen! Taon elol le kaim haup duit mamo nas sa!”

Lukas 11:4

Kaim nodan Paap le nadidingun soleng kaim in kula-sala ngas, banansila el kaim kon nadidingun atuli li in tao kula saol kami ngas. Paap doh kaim le halin nam kaim daek dadaat deken.”

Lukas 12:48

Mo ata in daek kula undeng un taan un tuang nga in koma ka lo ka, tom hukung ngele lo. Ta atuil in sium mamo son na, un musti bel mamo kon. Nol asii daek os tene kam, un in lepa-hala ka kon tene.”

Lukas 13:4

Hidim elol pait nol atuil at hngul palu man mates, tom in tading deng menara in se Siloam, man lea se lelon na ka la? Oen in kula ka tene dui deng totoang atuil in se Yerusalem mas se?

Lukas 7:40

Mo Yesus taan asa man Simun in nangan na. Kon Un tek noan, “Kaka Simun, Auk le tek kaka dasi mesa.” Kon Simun situn noan, “Hao! Paap Guru aa tuun lako.”

Lukas 7:47

Kaka Simun hii babanan le! Bihatang ni in kula-sala ka meman mamo. Mo Ama Lamtua kose soleng totoang son, undeng un tulu un in namnau ka, nol un in nodan mamo ka, bel Auk son. Mo atuil in nataka apa ka le muik kula-salan mamo lo ka, un kon nataka kam haup in ampong mamo lo. Undeng na le un namnau taan lo, nol nangan in nodan mamo se Ama Lamtua lo.”

Roma 3:23

Ta totoang atuli li tao kula. Tiata muik atuli mes lo kon man tao apa ka le babanan pait nol Ama Lamtua, undeng oen in tao ka tatai nol asa man Ama Lamtua in koma ka lo.

Roma 5:20

Ama Lamtua Allah niung Un Atorang ngas se upung Musa, le halin totoang atuli li taan parsis ol man in kula ka. Se ola-ol tuun kon, atuli li in tao kula ka mamo taplaeng, molam se na kon Ama Lamtua tulu Un dalen banan na mamo dui pait.