Lukas 7:13 - Buk Niu In Hida Balu nol Dehet deng Apan-kloma ki in Dadi ka

¹³ Nikit Yesus net bihatang bebalu na kon, Un namnaun. Tiata Un aa nol blalan bihatang na noan, “Mama! Lilu bakun na tia!”

Lukas 7:13 Iomraidhean Croise

Lukas 10:1

Hidi nam, Yesus huil nal ima-ii didang pait at buk itu beas dua. Hidim Un bating oen at dua-dua, le oen lakos muna se mana-maan Un in le lako ngas.

Lukas 11:1

Oe mesan na, Yesus lako kohe-kanas. Kohe-kanas hidi kon, Un ima-ii las at mes maa le nodan Un noan, “Papa! Yuhanis in Sarani Atuli ka tui un anan nas son, le oen kohe-kanas tana. Kaim nodan le Paap tui kaim in kohe-kanas kon!”

Lukas 11:39

Kon Yesus tek un noan, “Mi atuil Farisi las ana lo! Mi kil dididi mi atorang agama la! Mi nangan le tao niu mi pingas-klas sas likun nas didiin loe, mo mi nangan le tao niu mi dalen hmomos man daat nol kom naseke ngas lo!

Lukas 12:42

Kon Yesus siut noan, “Kleta na tom se totoang atuil man dake ka, banansila el tulu in mana tana nol makoe le daek taung un Tuang nga. Ta mam un tuang nga nikit un le bating in kaa bel ima-ii tenga las. Eta un makoe le daek muid un osa la ela lam, un tuang nga maa oras ol tuun kon no, un daek in toma ka tutungus. Hidim un haup ontong, undeng mam un tuang nga nikit una, le mana-koet un hmuki-nalan nas totoang.

Lukas 13:15

Mo Yesus situn noan, “Hoe! Atuil in sila-klup tuun. Se leol in kohe-kanas sam, mi kon dake, ta lo?! Ta mi laok sao mi aus-sapi las nol keledai las le ninung, ta lo?!

Lukas 17:5

Neot mesan na, Yesus ima-ii las maas saol Yesus le nodan noan, “Paap Guru! Kaim in parsai ki kuat lo. Tulung tao tes kaim in parsai ki le.”

Lukas 17:6

Kon Yesus situs noan, “Eta mi muik in parsai se Ama Lamtua Allah in kuasa ka ana buit tuun, banansila el boto beas sa kon no, mi prenta nal kai ina tene ni noan, ‘Hobodos le lako seda se tasi kua!’ Lam taon elola ko, kai ina na muid mi in prenta ka meman.”

Lukas 18:6

Mi nangan soba-naan atuling in nutus dasi daat na in aa ka.

Lukas 19:8

Lakos lius se Sakeos uma la kon, un dil se Yesus sila ka, le tek noan, “Paap Guru! Deng leol neot nia, auk bating totoang auk hmukin nias op dua, le bel op mesan na lako se atuil kasiang ngas. Eta auk sium net bea lai-lisin nam, auk bel pait oen lalis aat.”

Lukas 22:61

Kon Yesus lis le ngat una. Ti Petrus nangan net Yesus in teka apin na, man noan, “Duman ni manu tukluin bii, mo ku kaen Auk lalis tiul son.”

Lukas 24:3

Kon oen taam lakos bolo ka dalen, mo oen net Yesus nitun na se na lo.

Lukas 24:34

Kon ima-ii las tek oen duas noan, “Meman baktebes! Lamtua Yesus nuli pait son! Apin Un tulu-balang apa ka bel kaka Petrus.”

Lukas 7:12

Oras oen lakos dadani nol iung na hnaket in taam lako ka lam, muik atuli bua mes le puit lakos puan atuil in mate mesa. In mate na, bebalu mes ana biklobe man beas mes sii.

Lukas 7:14

Hidi nam Yesus lako dadani le huud atuling hmate ka maan in dohang nga. Tiata atuil in dohang ngas dil tenes. Kon Yesus aa nol atuling in mate ka noan, “Pail ana! Hangu tia!”

Yuhanis 11:3

Kon un kakan bihata las hid laok tek Yesus noan, “Tuang tapa in ngaal Lasarus sa, heda ngele isi.”

Yuhanis 20:13

Oen keket un noan, “Tasao le ku lilu kia?” Kon un situs noan, “Auk lilu, undeng oen kat lail-niin auk Lamtuan na nitun na son. Mo oen laok nene Un ne ola kam, auk tanan lo.”

Yuhanis 20:15

Kon Yesus keket un noan, “Tasao le ku lilu kia? Ku maa nuting asii la?” Lam Maria bali le atuling na, atuil in doh klapa la ka. Ta un hanet noan, “Ama tulung le! Eta ama nikit lai-niin Un nitun na son nam, tek auk le. Ama laok nene Un ne ola ka? Nang le auk kil nol Un laok puan babanan se maan didang.”

Yuhanis 4:1

Etan kit sukat Yuhanis nol Yesus sam, Yesus ima-ii las sarain nal atuli mamo dui. Yesus esa sarain atuil lo, mo in sarain atuli ka Un ima-ii las. Nikit Yesus taan son noan, atuil deng partei agama Farisi la ming le oen sarain nal atuli mamo dui,

Korintus mesa la 7:30

Ela kon, eta muik in lilu kam, banan dui ka un tao teken un dalen na, le lilu deken, halin nam un nangan net Ama Lamtua. Eta muik in dalen kolo kam, banan dui ka un dalen kolo isi deken, le halin nam un nangan net Ama Lamtua. Etan atuli mes muki lam, banan dui ka un tao un in nuli ka el atuil in muik saa lo ka, le halin nam un nangan net Ama Lamtua.

Tesalonika mesa la 4:13

Elia pali-kakang totoang, auk le tek mi dasi mesa, le halin nam mi taan baktetebes deng (asa man in daid nol) atuil in maet son nas. Kit taan son noan, mam atuil in mate ngas nulis pait. Tiata eta Lamtua Yesus atulin nas muik in mate kam, mi tao sus apan banansila el atuil didang man nangan taan dais ni lo ngas deken.

Ibrani 2:17

Undeng na, Yesus daid parsis banansila el kita, man daid Un pail-kakans son. Nini ela lam, Un daid kit tulu agama man in lapa dui, le tulung kit daek muid Ama Lamtua Allah in koma ka. Un kon tulu Un dalen kasiang nga bel kita. Nol eta Un aa elola lam, Un daek muid ela. Hmunan nu, kit upu kia-kaon nas nodan tulu agama las tuang tene ka, le tao in tunu-dadung, le halin Ama Lamtua kose soleng oen in kula-sala ngas. Halas ni, Yesus esa mate son, le Ama Lamtua kose soleng kit in kula-sala ngas.

Ibrani 4:15

Un bela kit nol babanan, undeng Un tana noan, kit niam, atuli. Eta muik in neleng kit le tao kula kam, kit nahing hlapat. Yesus kon tom in neleng banansila el kita, mo Un nahi net lo.