Lukas 6:48 - Buk Niu In Hida Balu nol Dehet deng Apan-kloma ki in Dadi ka

⁴⁸ atuil in le bangun-pii um in kuat. Un kali bolo netes sa bana-banan mulai deng dale boa, didiin haup baut telas. Hidim un daek netes sa se baut na dapa, halas-sam un bangun-pii uma la. Eta ui baa maa kam, um na heheon lo, undeng un netes sa dil didi son.

Lukas 6:48 Iomraidhean Croise

Lukas 6:47

Atuil in maa le hii se Au, hidim daek muid Auk in aa ngas sa, un banansila el

Lukas 6:49

Mo atuil in hii nol dalen tailuang tuun, hidim dai muid Auk in teka ka lo ka, un banansila el atuil in kom le bangun-pii uma la nol sadi tuun. Un daek netes lo, le suma bangun-pii um na se dale boa in se palun suut ta ka. Ti oras ui tene ka baa maa kon, kokon lail-niin um na didiin dudu-dudus!”

Yuhanis 16:33

Auk tek bel mi dais nias meman, le halin mi dalen nas tetesa, undeng mi in butu-kil nol Au ka. Ta mam atuil in se apan-kloma ki ngias tao sus mia, nol diku-puang mia. Molam tao teken mi dalen nas, ta Auk tao tehen totoang in kuasa ne apan-kloma ki ngias son!”

Dehet deng Aan in Nutus sas 14:22

Lius se las kon, oen dehet nol atuil in muid Lamtua Yesus sas, le tao teken oen dalen nas. Oen tekas noan, “Kaka-paling totoang! Nangan noan, eta kit tamang daid Ama Lamtua Allah atulin son nam, kit haup in susa-daat pait lo ka deken. Ta taon elola kon, kit musti haup susa, mo kit musti tahang le muid napiut se Lamtua Yesus.” Oen duas tui Yesus atulin in se kota na ngas ela.

Efesus 2:20

Na banansila el Ama Lamtua Allah le bangun-pii uma mesa. Un nene baut in tian laih hmunan na muna', na mo Yesus Kristus. Hidim Un bangun netes sas, nas mo Un mee-baha las nol Un atulin in nutus sas. Hidim Un toed batu las se totoang nas dapas. Baut nas mo kit totoang, man tamang daid Un atulin son nas.

Timutius dua la 2:19

Mo netes man Ama Lamtua Allah in bangun-pii son na, pepeko lo. Se netes na, muik in dula noan, “Ama Lamtua taan Un atulin nas”, nol “Asii man todan-lahing se Ama Lamtua Allah lam, un musti nuli katang deng daat tas.”

Petrus dua la 1:10

Kaak-pail in namnau me! Mi musti dil didi tapnaeng pait. Ama Lamtua huil nal mi son, le halin mi daid Un atulin. Tiata mi musti tulu bel noan, mi tamam daid Un nenan son. Eta dais man auk in teka apin nas tapnaeng tutungus se mi in nuli ka lam, mam mi nahim lo.

Yuhanis mesa la 2:28

Elia ana-ana me! Mi in nuli ka musti butu-kil napiut nol Kristus. Le halin eta Un pait maa kam, mi lii-tiud nol mae in dil se Un sila ka lo.

Yudas 1:24

Eta elam, kit nikit sakeng in naka-nahalit bel Ama Lamtua Allah! Ta Un man doh nal mia, le halin mi nahim deken. Nol Un man leo-leo nol mia, le halin mi dil nal se Ama Lamtua sila, ta Un man tao mi le daid niu, nol hmomos pait lo ka. Mi maam nol dalen kolo, undeng Un nam muun isi!