Lukas 6:25 - Buk Niu In Hida Balu nol Dehet deng Apan-kloma ki in Dadi ka

²⁵ Atuil in sili ngas! Mi nahim tom in daat, undeng oras lubu in muun isi ka saek tom mia. Atuil in mail dadahut halas nia ngas! Mi nahim tom in daat, undeng in susa-daat ta maa tao mi le lilu hultotoen.

Lukas 6:25 Iomraidhean Croise

Lukas 12:20

Mo Ama Lamtua Allah tek un noan, ‘Hoe! Ku ngengo! Eta duman ni kon ku mate, kam asii man haup ku maan in dulu ka isin nas totoang ngia?’

Lukas 13:28

Hidim eta Ama Lamtua Allah nutus totoang atuli li dasi lias sam, mi lilu mumuun nol duu siin. Ta mi ngat net upung Abraham, upung Isak, upung Yakob nol Ama Lamtua Allah mee-baha las totoang, tamas daad ne sorgas son. Mo mi tom in nulut soleng lakom se likun na tuun.

Lukas 6:24

Mo atuil in muki ngas! Mi nahim tom in daat, undeng mi in nuil dalen kolo ka, suma pes se ni sii tuun!

Lukas 6:26

Atuil man kom naseke le haup todan nas! Mi nahim tom in daat, undeng hmunan nu mi upu kia-kaon nas kon, naka-naka mee-baah in dehet nole-lilung daat tas!”

Efesus 5:4

Lote deken! Nol aa dadahut deken! Tao hmaes nini dasi-dais in nahmaeng deken! Ta Ama Lamtua atulin nas aa ela lam, tom lo. Banan dui ka mi aa dais banan nas tuun, nol nodan mamo se Ama Lamtua.

Tesalonika mesa la 5:3

Un in maa ka kon, banansila el atuil in daad e-ete nol babanan tuun, mo suknahkitu lam haup in daat. Nol Un in maa ka banansila el bihaat (in behe) man suknahkitu lam, iil in hua ka maa lisu. Eta nas maas lius son nam, kit hutun elol pait ta! Lamtua in pait maa ka kon ela.

Yakobus 4:9

Bablaan ni mi nuil dael kolo nol taan in mali-mali si-sii. Tiata halas ni mi tenem tia! Mi taan son noan, mi dalen nas hduan, taan le muid se Ama Lamtua in koma ka, tamlom muid se apan-kloma ki in koma-koma ngas sa. Banan dui ka, mi sabail apan le lilu mumuun tia.

Apan-kloma Hnika Balu 3:17

Mi aa in koaok noan, ‘Kaim niam atuil in muki. Kaim in nuli ki banan son, ta kaim parlu saa pait lo ka!’ Molota mi dalen nas tema son, didiin mi taan ol man in banan na lo. Undeng na le, mi daid banansila el atuil kasiang man muik saa lo nol luli-lulit tukun na.