Lukas 6:21 - Buk Niu In Hida Balu nol Dehet deng Apan-kloma ki in Dadi ka

²¹ Ulat bating atuil in lubu ngas! Undeng mam Ama Lamtua man tao mi le silim. Ulat bating atuil in lilu nol dalen susa ngas! Undeng mam mi mail nol dalen kolo.

Lukas 6:21 Iomraidhean Croise

Dehet deng Apan-kloma ki in Dadi ka 17:17

Abraham hai buku ka le bubu sila ka lako pes se dale nabale. Mo se un dalen na lam un mali. Un nangan noan, “Bikloeb blalan isi son man umur taun ngatus el au lia ki, taon elol le haup aan pait tia? Nol Sara blalan isi son kon, umur taun buk sipa, lam taon elol le un hua nabale lia?”

Matius 5:4

Ulat bating atuil in dalen ili ngas, undeng mam Ama Lamtua Allah esa, man halmui-halmau one.

Matius 5:6

Ulat bating atuil in kom isi le haup Ama Lamtua lalan lolo ka ngas, undeng mam Ama Lamtua beles asa man oen in komang nas.

Lukas 1:53

Un nalo atuil in lubung ngas didiin silis, mo Un nulut soleng atuil in muki ngas le lakos nol iman mosa.

Lukas 6:20

Hidim Yesus bali saol Un ima-ii las, le tuis noan, “Ulat bating atuil kasiang ngas! Undeng Ama Lamtua Allah esa man daid mi Lahin banan na!

Lukas 6:22

Ulat bating atuil in tom susa undeng in muid Au, Atuling Baktetebes nia ngas! Undeng mam Ama Lamtua bel seda mi in tom susa na se sorga. Atuli las pesang dael nol mia, tamlom tao didaan mi ngaal banan na, tamlom tudan-kida mia, tamlom nulut soleng mi banansila el atuil daat ta kon no, mi ulat, undeng mam se sorga lam, Ama Lamtua nangan net mia. Tiata eta atuli tao sus mi ela son nam, tao teken mi dalen nas, nol mi kon musti dalen kolo tutungus! Herang deken, undeng atuil in tao sus mia hahalas nia ngas, oen upu kia-kaon nas esan kon tao sus Ama Lamtua Allah mee-baah hmuna-hmunan nua ngas. Tiata, eta mi haup in susa tuladang ela lam, tao mi dalen nas kolo tutungus, undeng mam Ama Lamtua balas bel mi mamo-mamo se sorga!

Lukas 6:25

Atuil in sili ngas! Mi nahim tom in daat, undeng oras lubu in muun isi ka saek tom mia. Atuil in mail dadahut halas nia ngas! Mi nahim tom in daat, undeng in susa-daat ta maa tao mi le lilu hultotoen.

Yuhanis 11:35

Kon Yesus lilu.

Yuhanis 4:10

Yesus tekan noan, “Eta bata taan asa man Ama Lamtua Allah in le bel totoang atuli lia ka, nol taan noan in nodan ui le ninu ni asii lam, taon elola ko bata nodan bali ui deng Au. Le Auk bel ui man kil in nuli ka.”

Yuhanis 6:35

Kon Yesus tekas noan, “Ruti na mo Auk niang. Ta Auk man kil in nuil toma ka. Tiata atuil in tama le daid Auk atulin na, lubu pait lo! Nol atuil in parsai se Au ka, meen tuu pait lo!

Korintus mesa la 4:11

Maa lius hahalas ni kon, kaim nataka kam, kaim lubum nol meen tuu. Kaim kai-baut in pake ngas sait-sait tuun. Atuli taan in diku-puang kami sii. Kaim daid atuil in tupu-talas man muik um lo.

Korintus dua la 11:27

Auk daek hiti-late, nol auk haup in susa bili-ngala. Auk niin nal matang ngi lo, oe mamo son. Auk kon lubung nol meeng tuu. Auk haup in kaa lo tetetas sa kon, oe mamo son. Oe mesan na, auk muik kitu-kaod lo, ta auk metes isi.

Korintus dua la 12:10

Tiata eta auk nataka le auk daek nal dasi mes lo son, tamlom atuli li aa auk dadaat nol daek susa-daat saol au, tamlom diku-puang au, undeng auk in daid Kristus atulin nia lam, auk daleng ngi hutluul lo. Ta eta auk siing le bolen lo kam, auk haup kuasa deng Kristus le auk daek nal dais na.

Korintus dua la 6:10

Kaim nataka kam ngele kon no, kaim dalen kolo tutungus. Kaim muik duit lo kon no, kaim bel hangun mamo se atuil hut mamo kas dalen. Na banansila el kaim muik sa-saa lo, mo kaim kon haup totoang.

Yakobus 1:12

Ama Lamtua bel hangun se atuil in tahang didiin, puti nal deng in sukat-soba ngas. Hidim oen sium in nuli, man Ama Lamtua hid meman son le belen se atuil in namnau Una ngas. Oen sium in nuli na banansila el atuil in nala, sium piala ka.

Apan-kloma Hnika Balu 21:3

Hidim auk ming fala mes muun puit maa deng del prenta la, le tek noan, “Ngat babanan! Ninin deng leol nia, Ama Lamtua Allah Uma la muik ne atuli li hlala. Deng leol neot nia, Ama Lamtua Allah nuli leo-leo nol Un atulin nas son. Ta Un daid oen Lamtuan, Allah. Nol oen kon daid Un anan son. Mam Un leo-leo nol oen tutungus. Nol Un kon nang soleng oen lo didiin son na.

Apan-kloma Hnika Balu 7:16

Mam oen lubus pait lo ka. Mam oen meen tuu pait lo ka. Mam oen tom in papa, deng leol otot pait lo ka. Nol mam oen kluit tas hokoa deng in tom otot pait lo ka.