Lukas 6:15 - Buk Niu In Hida Balu nol Dehet deng Apan-kloma ki in Dadi ka

¹⁵ Matius, Tomas, Yakobus (Alpius ana ka), Simun (man muid partei Selot),

Lukas 6:15 Iomraidhean Croise

Matius 9:9

Hidi deng nam, Yesus laok napiut, kon nam Un ngat net atuil in sium bea ngas at mes daek se maan in baen bea ka. Un ngala Matius. Yesus tekan noan, “Maa le muid Au!” Ming ela kon, Matius haung lako muid Yesus meman.

Markus 2:14

Se na, muik atuli mes ngala Lewi, Alfius ana. Un daek se maan in baen bea bel pamarenta Roma la ka. Yesus maa lako deng na kon, Un ngat net Lewi. Ta Un tekan noan, “Maa, le muid Au!” Ming Yesus aa ela kon, Lewi hangu le muid Un meman.

Lukas 5:27

Nesang lo kon, Yesus puti deng um na, kon Un ngat net atuil in sium bea ngas at mes daad se um in sium bea ka. Atuling na ngala Lewi. Kon Yesus nusi un noan, “Maa le muid Au!”

Lukas 6:14

Simun (man Yesus haman noan ‘Petrus’), Anderias (Simun palin na), Yakobus, Yuhanis (Yakobus palin na), Filipus, Bartolomeos,

Lukas 6:16

Yudas (Yakobus ana ka), nol Yudas Iskariot (man mam hee soleng Yesus).

Yuhanis 11:16

Hidi kon, Tomas man oen noken noan “aan hduan” na, tek ima-ii tenga las noan, “Maa tia! Banan dui ka, kit totoang laok mudin, le halin nam kit mateng leo-leo nol Una.”

Yuhanis 20:24

At mes deng Yesus ima-ii las hngul duas, un ngala Tomas, man oen noken noan, ‘aan hduan’, oras Yesus maa tulu-balang apa ka bel one la, Tomas leo-leo nol ima-ii tenga las se na lo.

Dehet deng Aan in Nutus sas 1:13

Maas lius se kota la kon, oen taam lakos se uma mesa, man oen pake le daad tahang se las. Hidim, oen saek lakos mana mesa, se um na hnoden dapa ka. Aan in nutus sas ngalan nas elia: Petrus, Yuhanis, Yakobus, Anderias, Filipus, Tomas, Bartolomeos, Matius, Yakobus (Alfius ana ka), Simun (deng partei Selot), nol Yudas (Yakobus ana ka)

Dehet deng Aan in Nutus sas 15:13

Dehet hidi kon, Yakobus hangu dili, le tek noan, “Kaka-pali me! Hii napat se auk le!

Galatia 1:19

Dedeng na, auk kon tutnaal nol Lamtua Yesus palin in hua ka, ngala Yakobus. Mo auk tutnaal nol Ama Lamtua atulin in nutus tenga las loo. Suma oen duas siis.

Galatia 2:9

Dedeng na, atuli las noken Yakobus, Petrus, nol Yuhanis son noan, tulu in kil grija. Nikit oen tilus taan noan, Ama Lamtua Allah tulu Un dalen banan na son bel au, kon oen hangus dil le maas daek im nol kaim duam Barnabas, le daid tada noan, kaim totoang dalen mes son. Oen tade le kaim kil Dehet Dais Banan na laok bel atuil Yahudi lo kas, mo oen man laok bel atuil Yahudi las.

Yakobus 1:1

Boa-blingin deng au, Yakobus! Auk niam, ata deng Ama Lamtua Allah nol kit Lamtuan, Yesus Kristus. Auk dul surat ni bel mi atuil Yahudi in muid Lamtua Yesus son, man lakom daad ne ola-ola, le nuting in nuli ngas.