Lukas 6:13 - Buk Niu In Hida Balu nol Dehet deng Apan-kloma ki in Dadi ka

¹³ Ola oskaong bii kon, Un haman nakbua totoang atuil in muid Una ngas, le huil nal atuli at hngul dua, halin daid Un atulin in nutus. Atuil man Un in huli ngas ngalan nas elia:

Lukas 6:13 Iomraidhean Croise

Matius 10:2

Ima-ii at hngul dua man Un in nutus sas ngalan nas elia: Hmunan na ngala Simun (man oen haman noan, ‘Petrus’), hidim un palin na, ngala Anderias, hidi nam, Yakobus, nol un palin na, ngala Yuhanis (oen duas na mo, Sabadeus anan).

Matius 19:28

Un siut noan, “Parsai se Au! Mam eta Ama Lamtua Allah koet totoang le daid balu son nam, Au, Atuling Baktetebes nia, daad se del in loe-liliman na dapa. Lius dedeng na lam, mi in muid Au ngias kon, daad se del in prenta hngul dua dapas, le daid atuil in nutus dasi, bel ngaal Israel las hngul duas!

Matius 9:36

Net atuil hut mamo nas kon, Yesus dalen nahi nolas, undeng oen taan le tao elola ka lo. Ta oen totoang nas, banansila el lae-blai man muik atuil in lolo-poa lo ka.

Markus 6:30

Oe mesan na, Yesus ima-ii man Un nutus son nas totoang pait, le lakos nakbua nol Una. Oen tek totoang asa man oen in daek son nas, nol asa man oen in tui son bel atuli la ngas.

Markus 6:7

Un haman Un ima-ii las hngul duas, le nutus oen laok at dua-dua, halin laok nahdeh atuli las deng Ama Lamtua Allah Dehet Dais Banan na. Un kon beles kuasa le halin oen nulut nal uikjale.

Lukas 11:49

Undeng na, Ama Lamtua Allah man taan totoang sa-saa lias sa, tek net son noan, ‘Mam Auk nutus Auk mee-baha las nol atuil in nutus tenga, le lakos se atuli Israel las. Kon atuil nas diku-puang tenga las, nol keo tele tenga.’

Lukas 22:30

le halin mam mi daad kaa mija mes nol Au se sorgang. Auk kon bel mi kuasa, le mi prenta ngaal hngul dua in ne Israel las.”

Lukas 6:14

Simun (man Yesus haman noan ‘Petrus’), Anderias (Simun palin na), Yakobus, Yuhanis (Yakobus palin na), Filipus, Bartolomeos,

Yuhanis 4:33

Un ima-ii las ketan apa noan, “Elol nia le? Asii maa belen in kaa kia?”

Dehet deng Aan in Nutus sas 1:13

Maas lius se kota la kon, oen taam lakos se uma mesa, man oen pake le daad tahang se las. Hidim, oen saek lakos mana mesa, se um na hnoden dapa ka. Aan in nutus sas ngalan nas elia: Petrus, Yuhanis, Yakobus, Anderias, Filipus, Tomas, Bartolomeos, Matius, Yakobus (Alfius ana ka), Simun (deng partei Selot), nol Yudas (Yakobus ana ka)

Efesus 2:20

Na banansila el Ama Lamtua Allah le bangun-pii uma mesa. Un nene baut in tian laih hmunan na muna', na mo Yesus Kristus. Hidim Un bangun netes sas, nas mo Un mee-baha las nol Un atulin in nutus sas. Hidim Un toed batu las se totoang nas dapas. Baut nas mo kit totoang, man tamang daid Un atulin son nas.

Efesus 4:11

Kristus man bel kuasa se Un atulin nas, le oen lako-daek os man Un bating bel oen son nas. Tenga las, Un beles kuasa le daid Un atulin in nutus, dehes daid Un mee-baha, tenga las daid atuil in kil Dehet Dais Banan na laok se mana-maan balu, tenga las daid in lolo-poa Un atulin nas, nol tenga las pait daid atuil in tana le tui Un atulin nas.

Ibrani 3:1

Elia pali-kaka me! Ama Lamtua Allah huil nal mi son, nol noken mi noan atuil man in dalen niu, man mam haup in nuli leo-leo nol Ama Lamtua Allah se sorgam. Tiata deng dais nias totoang, mi musti nangan bana-banan deng Lamtua Yesus in daek taung kit son nias. Ta kit hao son noan, Un na mo Ama Lamtua Allah Atulin in Nutus, nol Un kon nam kit Tulu Agama man in Lapa Dudui ka.

Petrus dua la 3:2

Nangan in teka-teka deng Ama Lamtua mee-baah niu' hmunan nua ngas. Nangan Lamtua Yesus anan in nutus sas, nol nangan babanan asa man kit Lamtuan na in prenta oen le tek mia ngas. Ta Un man bel boa-blingin mi deng mi in kula-sala ngas!

Apan-kloma Hnika Balu 12:1

Hidi nam, nahkitum auk ngat net tada mes muun isi puti se apan nua, man atuli li ngat net tahan lo bii: muik bihata mes apa ka kabut nini lelo. Un tian iin na se bulan na dapa. Un pake hlotong lahi man muik duun hngul dua.

Apan-kloma Hnika Balu 18:20

Hidi nam, faal tene na aa taplaeng noan, ‘Hoe, mi in nuil ne sorga! Mi dalen nas lukit bakun tia. Hoe, Ama Lamtua atulin nas! Mi dalen nas boel sus bakun tia. Hoe, Ama Lamtua atulin in nutus son nas! Nang le mi dalen nas kolo'. Hoe, Ama Lamtua mee-baha las! Nang le mi dalen nas kolo'. Hmunan nu, Babel atulin nas tao sus mia. Hmunan nu, kota na tudan-kida mia. Mo halas ni, Ama Lamtua balas mi in susa-daat ta son. Nol Un kon balas kota na atulin nas in daek dadaat ta son.’ ”

Apan-kloma Hnika Balu 21:14

Tembok na dil se baut netes tene hngul dua dapas. Se baut netes sas mesa-mesa, dul Lae-blai Ana ka atulin in nutus hngul dua kas ngalan.