Lukas 5:5 - Buk Niu In Hida Balu nol Dehet deng Apan-kloma ki in Dadi ka

⁵ Mo Simun siut noan, “Tuang kon no! Kaim daek hiti-late duman mes tetema son, mo haup ikan mes lo kon! Mo undeng Tuang tadu ela ta, kaim muid tuun! Auk niung soba-naan pukat tia.”

Lukas 5:5 Iomraidhean Croise

Lukas 17:13

le haman leo-leo noan, “Yesus! Lamtua! Namnau kaim tia!”

Lukas 8:24

Net ela kon Yesus ima-ii las buk-bangun Una, le tekan noan, “Tuang! Tuang nge! Haung tulung le! Ta kit le mel mateng son nian ne!” Kon nam Yesus hangu. Hidim Un kaing angin na nol len na noan, “Tenem tia!” Tukun nam len na nol angin na ete meman.

Lukas 8:45

Nahkitu lam Yesus laok napiut lo mo Un dili le ketan noan, “Asii man depen tom Au lia?” Mo muik tahan at mes in hao lo. Kon Petrus tek noan, “Tuang kon no! Atuil mamo nias laok dising apa elia lam! Oen taan in hutun deng klupu lua sii.”

Lukas 9:33

Ti upung Musa nol upung Elia mana le lakos kon, Petrus nangan taan le tao elola ka lo. Tiata un aa dadahut tuun noan, “Tuang! Se nia lam kaim nataka kam leok isi! Tiata banan dui ka kaim koet hlepe tiul se nia. Mes bel Tuang, mes bel upung Musa, nol mesan na pait bel upung Elia.”

Lukas 9:49

Hidim Yuhanis tek Yesus noan, “Papa! Oe mesan na, kaim net atuli mes nulut puting uikjale le busun nini Paap ngala ka. Tiata kaim kaing una le busun-busun nini Paap ngala ka deken, undeng un na mo, kit atulin lo.”

Yuhanis 15:14

Eta mi lako-daek muid Auk in prenta ngas sam, na mi daid Auk tapang.

Yuhanis 2:5

Mo Un mama tek atuil in daek se la ngas noan, “Hii ke! Un lok mi le tao saa lam, daek mudin tuun.”

Yuhanis 21:3

Simun Petrus tek noan, “Auk le laok nahu pukat.” Kon oen siut noan, “Hao! Kaim kon lako.” Tukun nam oen lakos se tubu ka suut ta, le saek lui lakos nuting ikan. Mo duman na oen pukat nal ikan mes lo kon.