Lukas 5:22 - Buk Niu In Hida Balu nol Dehet deng Apan-kloma ki in Dadi ka22 Mo Yesus taan oen dalen nas. Kon Un aa noan, “Tasao le mi nangan noan Auk in teka na bilu-aa kia? Faic an caibideil |
Lukas 5:22
15 Iomraidhean Croise
Mo Yesus taan atuil Farisi las in aa ka. Ta Un tek oen noan, “Mi in aa na, tom nol kit in nangan ni lo! Eta se nusa mes dalen, un hutun nas keng bali apa kam, taon elol le nusa na tahang nal napiut ta! Ela kon nol eta atuli se kota mes dalen, tamlom uma mes dalen, keng apa mes nol mesa lam, taon elola ko oen bakisan apa le sisakes ta lo!
Auk niam Atuling Baktetebes sa. Nol Auk muik hak le bel boa-blingin atuli li deng oen in kula-sala ngas. Eta Auk suma tek atuling hlukut-kait ni noan, ‘Auk bel ampong ku deng ku in kula-sala ngas son,’ lam mi net Auk in muik kuasa ne apan-kloma ki ki lo. Mo eta Auk tekan noan, ‘Hangu tia! Kat ku maan in dohang nga le pait tia,’ le eta un hangu nol na kon, halas-sam mi net Auk in kuasa ka. Undeng na le, Auk tade tao banan atuling hlukut-kait nia, halin nam mi tana noan Auk muik hak, le bel ampong atuli li deng oen in kula-sala ngas.” Hidi nam Un bali le aa nol atuling hlukut-kait ta noan, “Haung dil tia! Nikit maan in dohang ku ka, le pait lako tia!”
Mo Petrus baet un noan, “Hoe! Ananias! Ku lail-lisin son! Taon elola le ku dalem ma brain naseke in buni duit tenga las, deng dale man ku in hee hidi son na osa ka lia? Ku dalem ma daat lai-lisin son, undeng ku muid uikjale kas laih tuan na in koma ka. Ku brain naseke in nole-lilung Ama Lamtua Allah Koo Niu ka kia!
Ta Ama Lamtua Allah in Teka-teka ngas tulu lalan in nuil toma ka. In Teka-teka nas muik kuasa le taam lakos kit dalen, le sukat kit in nangan na nol kit in koma-koma ngas totoang. Ta in Teka-tekang nias meman nakan dui deng hela mes man dait tamang lako kit boan, le keteng ulat nol baang bating seen, le tao batlenga totoang.
Sanasan