Lukas 5:1 - Buk Niu In Hida Balu nol Dehet deng Apan-kloma ki in Dadi ka

¹ Oe mesan na, Yesus tui atuli las se tubu Galilea suut ta. Atuli hut mamo maas le hii Ama Lamtua in Teka-teka ngas. Oen dil dising apa didiin bua pukiu Yesus.

Lukas 5:1 Iomraidhean Croise

Matius 11:12

Kilan deng Yuhanis in nikit un osa la ka, maa lius leol neot nia, muik atuli mamo son, man tamas daid Ama Lamtua Allah nenan. Mo muik atuli teng pait, man nangan kula noan, oen musti hote-dait le dising atuli li tama daid Ama Lamtua Allah atulin.

Matius 14:34

Oen lakos lius se tubu halin nu kon, oen nius se iung Genesaret onan na.

Markus 3:9

Undeng atuli mamo isi, tiata Yesus tadu Un ima-ii las le nuting belen lui mesa. Un le dehet deng lui la dapa, le halin nam oen totoang ming hapu, nol muik in kele Una lo'.

Markus 4:1

Oe mesan na, Yesus lako pait se tubu Galilea la. Kon nam atuli hut mamo isi maas dil nakbua. Tiata Un saek lako daad se lui mes dapa man nahun se na, le tui one. Atuil in se tuu ka ngas totoang ming Una.

Markus 5:24

Kon Yesus muid Yairus le lakos el un uma. Mo oras oen lakos sa, atuli hut mamo isi laok disi-dising apa le muid Yesus deng klupu.

Markus 6:53

Oras Yesus nol Un ima-ii las lakos lius se tubu halin na ka, oen nauh oen lui la se kota Genesaret onan na.

Lukas 12:1

Dedeng na, muik atuli at lihu ila lo maas le hii-ming se Yesus. Oen laok dising apa didiin bua nal Una. Kon Un aa muna nol Un ima-ii las noan, “Doh mi apan nas le muid atuil Farisi las in hlak daat ta deken. Ta taom oen aa kam kisa, mo dake lam kisa.

Lukas 5:2

Dadani se na, atuil tasi deeh tao niu oen pukat ta se tuu ka. Kon Yesus ngat net lui blo dua se na.

Lukas 8:22

Oe mesan na, Yesus nusi Un ima-ii las noan, “Maa le kit saek lui lakong tubu ku halin nua.” Kon oen saek lui mesa le lakos.

Lukas 8:23

Oras oen in luan laa lakos sa, Yesus nini. Nesang lo kon, angin tuan na maa. Len na kon sail tama lui dalen. Oen le meles tetetas.

Lukas 8:33

Hidi kon uikjale nas putis nang soleng biklobeng na, le lakos tamas se baih nas. Baih nas totoang daid nuin, kon oen lail dadahut nius deng leten na le pul muid hopiin na taam lakos tubu ka dalen. Tiata oen mel mates totoang se las.

Lukas 8:45

Nahkitu lam Yesus laok napiut lo mo Un dili le ketan noan, “Asii man depen tom Au lia?” Mo muik tahan at mes in hao lo. Kon Petrus tek noan, “Tuang kon no! Atuil mamo nias laok dising apa elia lam! Oen taan in hutun deng klupu lua sii.”

Yuhanis 1:40

Deng at dua man ming Yuhanis in aa ka, hidim lakos muid Yesus sas, mesan na ngala Anderias. Un nam Simun Petrus palin.

Yuhanis 6:1

Atuil Yahudi las leol tene ‘Paska’ la dadani son. Kon Yesus nol un nenan nas lakos se tubu Galilea halin na. (Tubu na ngaal didang nga, ‘tubu Tiberias’.) Atuli mamo lakos muid Un se las, undeng oen net tada-taad herang man Un in daek son, se oras Un in tao atuil ili las le banan na. Lius se tubu ka halin na kon, Yesus nol Un ima-ii las saek lakos leten ana mesa. Le oen daad se las.

Ibrani 13:7

Nadidingun atuil in lii-lau nol tui mi deng Ama Lamtua Allah Dehet-dasin na ngas deken. Nangan oen lalan in nuli ka babanan, nol not muid oen in parsai ka. Ta asa man oen in parsai ka, elia: