Lukas 4:5 - Buk Niu In Hida Balu nol Dehet deng Apan-kloma ki in Dadi ka

⁵ Hidi nam uikjale kas laih tuan na kil nol Un lako se maan in lapa mesa. Kon un tulu belen totoang pamarenta in se apan-kloma ki ngias nol oen hmuki-nalan nas.

Lukas 4:5 Iomraidhean Croise

Matius 24:14

Ta atuli li musti bani-bating Ama Lamtua Allah Dehet Dasin Banan na, lako papmes apan-kloma ki suut-suut tas, le halin totoang atuli li taan haup Ama Lamtua lalan in nuli banan na muna le. Halas-sam leol kiamat ta maa.”

Matius 4:8

Kon uikjale na kil nol Yesus lako se leten in lapa dui mes dapa lolen. Hidim un tulu bel Yesus totoang nusa in ne apan-kloma kia ngas, nol oen in leko-banan nas totoang.

Korintus mesa la 15:52

Se oras klingu la lin puis hesa ka, totoang nias dadis nol nahkekan tuun. Hlapat dui deng ku matam ma in hebet ta. Ta klingu la lin nam, oras na kon atuil in mate ngas nulis pait. Nol eta oen nulis pait son nam, oen mates pait lo ka, nol oen kon daat sisakes pait lo ka. Ela kon nol kita. Kit totoang daid hnika-tuladang balu.

Korintus mesa la 7:31

Nol etan muik atuli in nahlae sa-saa deng apan-kloma kia kam, banan dui ka, un holtiu se sa-saa nas deken, le halin nam un nangan net Ama Lamtua. Undeng lalan in nuli deng apan-kloma kia ka, mam ilang totoang.

Korintus dua la 4:17

Ta muid kit in nangan nia lam, halas ni kit tom in susa-daat bili-ngala. Mo kit musti nangan noan, mam Ama Lamtua nikit sakeng kit lapa-lapa. Undeng na le kit ngat asa man in daid hahalas ni ngias, muik nahin saa lo!

Efesus 2:2

Hmunan nu, mi nuil muid apan-kloma ki in koma, nol uikjale kas tuang nga in koma. Maa lius halas ni, uikjale na neleng atuli li nabale, le oen labang nol Ama Lamtua Allah.

Efesus 6:12

Ta kit ne in hote-dati dalen! Kit hote-dait labang atuli li lo, mo kit hote-dait labang kuasa daat, man kit in ngat net lo ngas, labang kuasa-kuaas mitang man in kil prenta ne apan-kloma kia ngas, nol labang uikjale in ne apan-dapa kua ngas.